茶餐廳2.0 (已結業)

今日同老公阿女喺愉景新城玩完，好肚餓就準備搵嘢食。行行下就見到呢間茶餐廳，就即管入去試下。有新鮮出爐既麵包蛋達賣，又幾好喎，呢d舖頭真係少之又少。內裏開揚光猛，牆上設計色彩繽紛，有卡位同圓枱坐，地方乾淨整齊，仲有埋電視睇，感覺舒適。有小朋友緊係整個肉醬意粉食下啦，肉醬鋪滿成個碟，芝士多又香，肉碎唔會好大粒或者有筋，咸甜適中，真係好好味，好小有咁多肉醬。石頭燒牛柳又幾特別，好有創意。通常貴價餐廳先有得食，但呢到竟然都有，仲要係平民價錢，真係大開眼界。睇落去好似好細件，但食晒其實都幾飽下，可以自己調教生熟程度，岩返個人口味。牛肉軟熟嫩口，當中仲有蔬菜和白飯配埋，想唔飽都難。天氣炎熱，整返杯凍檸蜜潤下先。晚市套餐係大型商場黎講都算係好經濟，仲要無加一，選擇又多，大家小朋友都岩食。