影片
更多
2019-11-25
672 瀏覽
係isquare搵野食，經過俾門口menu啲相同埋玻璃望入廚房師傅燒緊鰻魚既畫面吸引住，索性入去試一試。雖然係平日既午市時間，但係人唔算多，一埋去都即刻有位，大多數都係兩個人坐四人檯，坐得好鬆動。鰻魚飯三食（HKD88)一盤咁捧上檯，十分之吸睛！將鰻魚飯分三份，跟住侍應既介紹：「一食」切細既鰻魚片同飯連埋面頭既紫菜蔥花一齊食，此為原汁原味，主要靠鰻魚汁吊味，味道唔錯，但略嫌飯煮得太稔無咬口，一啖食落好似食緊好稠既粥咁，唔太討好。「二食」鰻魚飯+wasabi......雖然只加左佢所俾一半份量既wasabi，但成效就好大，完全將一個本身無咩特別既汁提升左去另一個層次。非常值得一試！「三食」鰻魚飯+鰻魚肝湯。個湯聞落有淡淡既香味，但單飲時呢股香味就細到有啲冇感覺；加落個飯到既時候，可能係同啲鰻魚汁撈埋左，味道同色水都濃左......飲落仲有種香醇既感覺，留係嘴入面揮之不去。和風牛肉鰻魚丼（HKD88）飯都係太稔既問題，鰻魚味道同上面一樣，不過不失；洋蔥煮得特別好！細絲炒軟，食落除左洋蔥香甜之外，仲有滿滿既牛香味！作為唔太食洋蔥既我都讚不絕口。赤味噌湯+漬物（隨餐附送）個人一向唔太喜好呢兩樣
雖然係平日既午市時間，但係人唔算多，一埋去都即刻有位，大多數都係兩個人坐四人檯，坐得好鬆動。
鰻魚飯三食
$88
21 瀏覽
0 讚好
0 留言
鰻魚飯三食（HKD88)
一盤咁捧上檯，十分之吸睛！將鰻魚飯分三份，跟住侍應既介紹：
「一食」切細既鰻魚片同飯連埋面頭既紫菜蔥花一齊食，此為原汁原味，主要靠鰻魚汁吊味，味道唔錯，但略嫌飯煮得太稔無咬口，一啖食落好似食緊好稠既粥咁，唔太討好。
「二食」鰻魚飯+wasabi......雖然只加左佢所俾一半份量既wasabi，但成效就好大，完全將一個本身無咩特別既汁提升左去另一個層次。非常值得一試！
「三食」鰻魚飯+鰻魚肝湯。個湯聞落有淡淡既香味，但單飲時呢股香味就細到有啲冇感覺；加落個飯到既時候，可能係同啲鰻魚汁撈埋左，味道同色水都濃左......飲落仲有種香醇既感覺，留係嘴入面揮之不去。
和風牛肉鰻魚丼
$88
25 瀏覽
0 讚好
0 留言
和風牛肉鰻魚丼（HKD88）
飯都係太稔既問題，鰻魚味道同上面一樣，不過不失；洋蔥煮得特別好！細絲炒軟，食落除左洋蔥香甜之外，仲有滿滿既牛香味！作為唔太食洋蔥既我都讚不絕口。
赤味噌湯、漬菜
14 瀏覽
0 讚好
0 留言
赤味噌湯+漬物（隨餐附送）
個人一向唔太喜好呢兩樣，呢間鋪既呢兩樣味道尤其濃，淺嚐兩啖就食唔落了。
成個就餐過程最令我驚嘆既係佢地上菜既快速，13:19落單，13:22就上左第一個餐，成餐飯半個鐘左右就可以完成，飯量又十足夠飽，岩哂附近返工但又唔想頹食既職場人士。
張貼
