越南越順餐廳

營業中

休息中

係附近搵地方快吃，奇味小厨冇位，於是行過嚟試一下，原來係以前對住大路嘅竹源d人做番，心諗應該有d水準。五個人叫咗一個3人餐，另外加咗一個拼盤，油菜同火車頭河。個餐有炒貴刀，酸湯牛肉鍋，一個小食要咗越式鳳爪，香茅雞亦，蝦醬炒通菜，重有3個甜品或飲品，叫咗一個珍多冰同兩個黑糯米。食物係大路嘢，水準都算唔錯，個炒貴刀同火車頭河幾好食，拼盤份唔算少而且d蝦餅幾香口，酸湯牛肉鍋有驚喜:一碟牛肉有成10片，因為幫襯多個200蚊，送多一碟，牛肉係酸湯到一灼，感覺冇咁肥膩。五個人食到捧住個肚都唔駛300蚊，抵到爛! 而且招呼嘅阿姐都幾殷勤親切。不過地方比較細，三五個人食飯還可以，人多就坐唔到。