大快活 (家維邨)

營業中

休息中

因為成本既問題，質量、食材、味道、服務等，紿終跳唔出快餐店既規限，但價錢比以前貴左好多，某啲菜式比餐廳還要貴。黑椒什扒配欖油意粉，有雞扒、牛扒同脆皮腸，仲有幾皮新鮮西生菜。大快活既黑椒汁咁多年黎都係比其他快餐店更香更辣，我最愛濃郁既辣味，再辣啲更好。份量夠大，好飽肚。意粉煮得出色，軟硬適中。西生菜異常地爽口鮮甜。什扒都係快餐店口味啦，醃味超濃，無特別。阿活咖喱燒雞意粉，啲咖喱係比一般茶餐廳既多啲香料咁啦，好少少囉。最欣賞係個欖油意粉，非常好，軟硬適中又熱辣辣。雞只可以話係春雞雞仔，無咩肉食，肉質好腍，而且唔多似點燒過，話焗或炆就差唔多。薯仔幾硬，個人較喜歡炆到入晒味，又要好腍好腍又粉先好食。伴碟既西生菜反而非常新鮮，只係略略烚過，又爽又鮮甜，好好味。