Bizou American Brasserie (已結業)

去金鐘睇完星球大戰，想食個西餐，揀咗呢間西餐廳。頭盤叫咗六隻生蠔，但係生蠔唔夠蠔味，亦冇我最鍾意嘅金屬味，只係比自助餐生蠔好一點嘅貨色。＄180好彩唔係太貴。之後叫咗個燒豬扒，整個小豬肋骨咁上，外邊脆，裏面好多新鮮肉汁， 90分！另外叫咗個燒春雞，加上特製嘅紅蘿蔔醬汁，雞肉好豐富，係另一高分數菜式。另外叫咗個蜆肉蒜蓉辣椒意粉，小小辣蒜味又夠香，只係差個蜆肉唔係最新鮮。但係都算好好食。仲有一個黑松露炸薯條，因為我鍾意幼細嘅薯條，所以覺得黑松露醬係非常好嘅配合，好味。買單五個人， ＄1000 比你一個咁好地點咁好嘅食物質素仲要係晚餐，都幾物超所值，大家不妨去試吓！