喜棧 (已結業)

星期六九點鐘去到嗰度 ， 唔係好多人， 我朋友有一件手提行李， 可以放喺枱底， 鋪頭個經理就要我哋放喺門口， 話有八部錄影機睇住唔會唔見嘢㗎喎， 交涉咗一陣， 佢先至畀我哋帶入去。 食完走嘅時候， 問佢有冇拍車 單， 佢話拍車優惠要對番八達通嘅number， 我哋只係食咗137蚊， 所以畀都冇意思。 我哋去到 information counter， counter職員話 冇呢一回事。 佢哋唔會對八達通嘅number， 好多商場都係咁， 啲舖頭通常都會畀張泊車單方便一下顧客， 等大家食得開心下次再來幫襯 。 我走返轉頭問 個經理 攞泊車單， 佢仲要話個指引係咁， 要對八達通價冧巴㗎。 跟住仲要講啲挑釁嘅說話，“ 你想要就畀你啦”。 其實有乜嘢需要啲態度咁差呢？ 我哋都係問佢攞個方便啫， 使唔使咁唔老實去 玩啲顧客？ 如果咁唔願意畀拍車單， 大可以喺大門口貼個告示， 唔使咁多藉口。