喜棧 (已結業)

天口咁熱, 唔想媽媽辛苦買送煮飯, O係屋企附近簡單食D野就算喇~去到唔係好多人, 有卡位坐, 舒舒服服.叫左個粉麵套餐, 配左個熱飲.紫菜魚腐米線, 紫菜都好多下, 魚腐都幾好食, 都有好多粒~米線煮得岩岩好, 唔會太淋, 夾起上黎都唔會好易爛.見有呢個即製南瓜蓉生滾粥系列, 好似幾吸引~叫左個南瓜蓉豬潤粥, 都唔錯 wo~南瓜滾粥原來幾香, "不"起每啖粥都有D南瓜粒粒, 個粥都好綿. 同埋豬潤好厚肉!

落大雨搞到遲遲都未出街食午餐,屋企又冇野食,等到細雨一點落樓下食個喜棧。呢間野食左好多次,真是肚餓之選!因為它上菜速度快,容易搵位,而且食物都ok! 成日夜晚晚放工返不切屋企煮,都會在這裡食晚餐,變成本人的飯堂😂我叫了瑞士雞翼煎蛋飯,食了幾啖才記得影相!雞翼好淋,不廢吹灰之力已打雞全翼分開,不用用手吃!煎蛋本人不太喜愛,可惜它不可以轉炒蛋。老公叫果個都ok,牛筋入味,牛腩都淋。我鍾意飲無冰奶茶,因為茶味比較濃,不會被冰沖淡。

偶然路過大埔新達廣場，在趕時間的情況下，隨選小店快食一餐，點了兩餸加油菜，二人埋單二百，美味超值，質素勝預期，必定重臨光顧。泰式無骨雞（半隻）$118皮脆肉嫩少脂肪，調味去骨；皮肉間還有雞啫喱，是久違了的靚雞。配上薑蓉 、辣汁，美味到停不了口。“雞有雞味” 早已由笑話變成了讚美。單是這個雞，已值得再次光顧。欖菜肉碎四季豆 $73欖菜量足，又不會過咸；肉碎平均分布；四季豆不會過腍也沒青澀，賣相保持翠綠，火喉剛剛好。上枱有鑊氣，想不到小餐廳也有此質素。難得難得。魚湯白菜仔 $18魚湯清甜，白菜青嫩腍滑，$18元屬超…超…超…值。總算稱得上有口湯喝，質素比起一般例湯還要高。很幸運的一天 😎😎😎

到大埔探望朋友，相約在新達廣場食早餐，一上扶手梯就看到這間喜棧。早餐款或大路，我最後揀了沙嗲牛麵餐，配火腿炒旦及多士。沙嗲牛汁不足，牛肉亦很老，影響整個味道，麵底一般，其他跟餐的沒帶特別，但勝在無人等位。

今日有事要入大埔，於是就喺大埔火車站附近開餐， 由於食飯時間好多人，我地又趕時間， 見到呢間舖頭唔需要等位，就入去食啦！喜棧主要食面， 粥， 都有少許飯嘅選擇！我揀咗一個蝦子料鮮雲吞牛筋腩撈麵 ，58元。 撈麵較湯麵貴 ，但見到檯面張紙上面嘅牛筋撈麵個樣幾吸引，所以都揀咗撈麵！撈麵麵條極幼，而且食落完全冇鹼水味 ，不錯 ！而個湯唔會話好重味精，食完都唔覺得好口渴 ！至於雲吞方面 ， 真材實料 ！雲吞內包住蝦，啖啖肉！ 至於主角牛腩，反而唔係太出色 ，冇咩特別！牛腩有啲 硬， 而且肥膏偏多， 可以食嘅部分其實好少！另外仲叫咗個鹵肉飯， 調味適中 ，而鹵肉份量夠撈哂成碗飯！

After more than three hours cycling, we're desperately hungry and found this restaurant for quick dinner. Most of us ordered Pork Trotters Noodle, it comes out very delicious and chewy. Love that soft pork trotters! Sauces match so well!Definitely must go! Delicious! 

大埔新達廣場嘅餐廳選擇真係唔係好多, 呢度人流咁多咁旺應該開多啲餐廳啦🤪 今日踩完單車黎到大埔, 攰攰地唔想四圍搵野食! 大埔火車站一出閘上電梯就見到喜棧, 都幾方便啊! 呢度環境四四正正, 乾淨整齊, 又坐得幾舒服, 感覺唔錯啊! 佢地嘅小菜套餐唔係貴, 又有屋企嘅味道泰式無骨雞, 例牌＄88雞肉滑嘟嘟, 啖啖肉, 唔會有太多脂肪!! 豆腐斑腩 $73原來呢度啲牛腩, 雲吞, 粉麵等都應該唔錯, 我見好多人都叫, 下次嚟試吓先!!☺️☺️

出發去大埔許願樹許願，中途經過商場就醫飽個肚先，見到呢度有乾炒牛河就果斷入去，因為勁耐冇食乾炒牛河了。首先令我比較尷尬嘅係我聽到隔離枱抱怨呢度餐具嘅乾淨程度，佢話見到有食客用手搓筷子筒入面嘅筷子。。。。。。不過出得去食飯，眼不見為淨掛。。。可能餐廳可以考慮下變一變擺放方式吧講食物：感覺呢度嘅乾炒牛河雖然油水夠，但都係冇平時酒樓嗰d咁香口，不過賣相都幾靚。夾起之後下面其實有好多油，我覺得呢個算係乾炒牛河嘅特色吧，鍾意與否就見仁見智了。牛肉份量同出面其他食店嘅差唔多。佢配咗一包辣椒醬畀我，我唔知係咩玩法，第一次食牛河係配多包辣椒醬，最後試試加辣椒醬，個醬其實勁微辣，食落酸酸地咁，其實唔太夾。整體不過不失，算係過下我嘅乾炒牛河癮吧。

是日諗住去林村許願樹果到，行個大運！所以要係大埔墟站落車再轉巴士。但是到達大埔墟站已經成12點幾，有d 餓🤔🤔 於是就出咗最近巴士站果個出口先食個午飯吧！一出閘見，上一條電梯就係商場！然後 上完電梯已經有3間餐廳。其中得呢間得翻少量位又冇咩人等位所以就入咗 因為太餓。睇一睇個餐牌就叫咗碗原汁柱侯牛筋腩河 因為太耐冇食牛腩河見到就突然想食，然後加$18 要多個小食 一塊炸豬扒！仲包一杯熱似我叫咗熱檸水。 先講下碗牛筋腩河，好「淋」好香，有以前食開嘅牛腩味，唔錯！到炸豬扒，我個人唔太喜歡雖然要讚一讚佢有幫我剪開咗少少，但佢冇剪開到哂一半 搞到好難夾起食😟 食起上黎都「淋」嘅，但係係甜味因為佢應該用咗甜的醃料去整個豬扒，平時都係咸味多所以我都係鐘意食咸味嘅豬扒！！ 而杯檸水就正常，起碼d檸檬冇澀冇苦

食物味道不錯，環境衞生可以接受，但勝在隣近火車站，一分鐘不到就可以到達，所以早上上班前在此吃個早餐原是一個不錯的選擇。可惜此處有一名常駐的女經理，服務態度是我前所未見的差劣。以客人為先的態度固然沒有，客人只是向她提出一些普通的要求，她也竟會對該客人呼呼喝喝。有幾次睇唔過眼，真的想對她直斥其非。其態度相信已趕走不少客人，我亦替該處老闆感到可惜，好好的一間餐廳，卻請著如此負責人。我亦會慎重考慮日後幫襯的次數，因為怕下一個被呼喝的會是我。

喺大埔住咗廿幾年，原來未幫襯過喜棧嘅晚市，之前都係食佢地嘅下午茶。今晚突然想試下佢地嘅晚飯。到達時7點半，幫襯嘅人唔多，有位坐唔使等位。我叫咗個西檸豬扒，同埋呢個魚香茄子。

今晚放工返到大埔得自己一個人食飯，仲喺度諗緊食乜。其實得一個人食有時都幾難諗..終於就行咗去新達廣場，本身諗住食個炒飯，但又好似冇乜選擇...最後就去咗喜棧...清清地叫個餸食個飯就算喇。呢間喜棧其實我都係第一次...可能因為比較夜嘅關係餐廳裏面都冇乜人。首先我就叫咗個蒸排骨配飯，之後就再加左＄18叫咗個菜。其實樣樣野都好大碟賣相亦都唔錯。但講真排骨就麻麻哋因為好似唔係好熟..就算係熟都係緊緊嗰隻。但個菜湯就幾好...好清甜。價錢我覺得亦都係偏貴嘅..買單大約80幾蚊。

我點了個馬來海鮮喇沙，味道不是十分正宗，但味道好。有半隻雞蛋，魚片，魚蛋，蝦，魷魚和豆腐卜。湯底味道香濃鮮甜，很特別是它同時把面和米粉都放在一起，說出來簡單，但效果出奇的好。

星期六九點鐘去到嗰度 ， 唔係好多人， 我朋友有一件手提行李， 可以放喺枱底， 鋪頭個經理就要我哋放喺門口， 話有八部錄影機睇住唔會唔見嘢㗎喎， 交涉咗一陣， 佢先至畀我哋帶入去。 食完走嘅時候， 問佢有冇拍車 單， 佢話拍車優惠要對番八達通嘅number， 我哋只係食咗137蚊， 所以畀都冇意思。 我哋去到 information counter， counter職員話 冇呢一回事。 佢哋唔會對八達通嘅number， 好多商場都係咁， 啲舖頭通常都會畀張泊車單方便一下顧客， 等大家食得開心下次再來幫襯 。 我走返轉頭問 個經理 攞泊車單， 佢仲要話個指引係咁， 要對八達通價冧巴㗎。 跟住仲要講啲挑釁嘅說話，“ 你想要就畀你啦”。 其實有乜嘢需要啲態度咁差呢？ 我哋都係問佢攞個方便啫， 使唔使咁唔老實去 玩啲顧客？ 如果咁唔願意畀拍車單， 大可以喺大門口貼個告示， 唔使咁多藉口。

唔知點解近幾年啲食肆，食肉餅有骨，食雲吞都可以有骨，仲要食到最後嗰啖先至食到有奇怪嘢，搞到好似筆者玩野咁，投訴又唔係，唔反映又覺得唔合理。前幾日帶着一歲幾小朋友食喜棧，圖片影得無骨海南雞好好味，諗住冇骨可以放心比小朋友食，菜肉雲吞都係叫俾小朋友食。但是那半隻無骨海南雞，佔咗一半係未去骨嘅，而且骨係斬雞既時候碎咗，好尖嘅。默默承受咁食咗有骨嘅「無骨海南雞」。條鯧魚蒸得幾好味，我一個人食晒。食到尾聲，我食埋小朋友食剩果兩粒菜肉雲吞，一咬落去就係骨。我唔知道我個小朋友之前食嘅幾粒有冇食到骨而吞左。當時真係好嬲，我旁邊站着一個長頭髮後生瘦瘦的侍應，佢見到我不斷的吐出雞骨和雲吞有骨，完全沒反應。反而很忙碌走來走去的主任馮小姐，見到我面有難色，主動問我是不是需要幫忙。我告訴佢有骨情況，馮小姐很歉意的說不好意思，而且檢查尖骨，也問候我和小朋友有沒有受傷。很難得遇上從善如流，禮貌細心嘅職員，主動幫忙，雖然食無骨海南雞有很多骨，食雲吞竟然有尖骨係雲吞入面。我今次是好評。當然職員都係賴中央廚房，其實依個真的不是point。喜棧有福氣請到如斯有heart職員。真係要好好珍惜。