御鐵

營業中

休息中

最近同朋友們去左一間性價比超高既鐵板燒餐廳，晚市$600+/位，餐廳入面有個魚虹養住活龍蝦，食材好新鮮，每一道料理都令人滿足。我同朋友坐係鐵板bar枱，一路欣賞師傅功架，一路享受美食。【極上和牛套餐】 $650/1人前 /$1198/2人前西柚蝦沙律西柚酸酸甜甜，蝦肉新鮮爽口，口感清新，令人開胃。活龍蝦見到仲郁緊，用上西澳龍蝦，大約煎至7成熟，保持龍蝦肉鮮美和彈性，另外加入蝦醬汁一齊煮，龍蝦肉質鮮嫩，蝦醬汁既濃郁香氣增添了豐富既風味。活南非鮑魚鮑魚肉質爽口有嚼勁，鮑肝都食得，配搭海苔醬，海苔醬鹹香味提升鮑魚鮮味。香煎牛舌芯牛舌肉質細膩，煎香之後，外層微焦，內裡保持柔嫩。和牛薄燒用左熊本縣A5和牛，和牛油脂豐富，肉質鮮嫩，夾住蔥花食平衡油脂感。伴碟日式炒雜菜入口爽脆。日高昆布蜆湯湯底清甜，蜆肉鮮美，昆布既香氣令湯的味道更加豐富，食完鐵板燒飲返碗，清爽解膩。海膽醬海鮮炒飯炒飯粒粒分明，海膽醬味道濃郁，每一啖都食到海鮮嘅鮮味。精選甜品薑味雪糕味道好特別，配搭焦糖多士，咬落去香脆，味道甜甜地。