影片
更多
2022-09-12
434 瀏覽
襯住中秋同屋企人食餐好，見餐廳係weekend有個指定2人套餐，叫第二set半價，即係3送1，咁就book位試吓。環境係舒服新淨既，我地被安排坐大房，分開兩邊，每邊兩張鐵板燒枱，坐12人，即刻整個大房坐左24人。 雖然間房好大既，但12人一排感覺有啲迫。個二人餐都多野食，包括:1. 前菜沙律2. 刺身三點 (深海池魚 / 帆立貝/ 赤身) - 正常發揮3.鮑魚 - 鮑魚好彈牙，有啲微微既海水咸味。4.白鱈魚 - 魚肉係好雪白，但無乜油份，肉質有啲實。5 . 野菜 (紅甜椒 / 露荀 / 小蘑菇/ 粟米芯) - 紅甜椒好甜，但其他好一般，同埋每樣得一細件6. 龍蝦配蝦膏汁 - 是日MVP ！新鮮龍蝦肉質好彈牙，個蝦膏汁好濃好香，同龍蝦肉極配合👍🏻7. 牛肉厚燒 / 薄燒 - 因為唔想食得太油膩，所以無揀A5和牛，揀左美國牛薄燒同澳洲和牛厚燒。 薄燒好食過厚燒，可能厚燒唔夠熱，同埋舊肉有少少靭。8. 炒飯- 入面有啲肉碎同蝦碎。略嫌唔夠調味，淡咗啲。9. 龍蝦頭麵豉湯 - 正常發揮10. 焦糖多士 - 雖然見住佢落勁多牛油同勁多糖 ，但甜品都係越邪惡越好食既 。烤到脆脆，有啲食緊蝴蝶酥咁1
環境係舒服新淨既，我地被安排坐大房，分開兩邊，每邊兩張鐵板燒枱，坐12人，即刻整個大房坐左24人。 雖然間房好大既，但12人一排感覺有啲迫。
個二人餐都多野食，包括:
1. 前菜沙律
2. 刺身三點 (深海池魚 / 帆立貝/ 赤身) - 正常發揮
3.鮑魚 - 鮑魚好彈牙，有啲微微既海水咸味。
4.白鱈魚 - 魚肉係好雪白，但無乜油份，肉質有啲實。
5 . 野菜 (紅甜椒 / 露荀 / 小蘑菇/ 粟米芯) - 紅甜椒好甜，但其他好一般，同埋每樣得一細件
6. 龍蝦配蝦膏汁 - 是日MVP ！新鮮龍蝦肉質好彈牙，個蝦膏汁好濃好香，同龍蝦肉極配合👍🏻
7. 牛肉厚燒 / 薄燒 - 因為唔想食得太油膩，所以無揀A5和牛，揀左美國牛薄燒同澳洲和牛厚燒。 薄燒好食過厚燒，可能厚燒唔夠熱，同埋舊肉有少少靭。
8. 炒飯- 入面有啲肉碎同蝦碎。略嫌唔夠調味，淡咗啲。
9. 龍蝦頭麵豉湯 - 正常發揮
10. 焦糖多士 - 雖然見住佢落勁多牛油同勁多糖 ，但甜品都係越邪惡越好食既 。烤到脆脆，有啲食緊蝴蝶酥咁
11. 咖啡/ 奶凍
講段令到成個用餐體驗減分既小插曲。
知道餐廳都旺場，預早差唔多1個月book位，但到8月尾收到餐廳通知話公司都分時段，12:00-1:45: / 1:45-3:00。 本身book左一點 ，變左無啦啦要改之後既schedule 去就依個突如其來嘅改動😩
到用餐日，由於一場緊貼住下一場，師傅節奏明顯偏急。 其實食鐵板燒有部份都係想睇師傅席前 “表演” ，但sorry啦，我地淨係覺得師傅好急趕進度feel。最後炒飯，湯，焦糖多士同咖啡係一次過上，同時連埋張單 ，當時未到1:30。 雖然佢無話我地夠鐘要走，但唔駛講大家都明啦！
以佢午餐人均差唔多$650+ /位 (仲要係折扣後) ，其實都算係一個偏進取既收費，但又分時段，又食到咁趕，真心覺得性價比好一般。 明白疫情下餐廳係難做，但比依個價錢食lunch，應該揾到更好既選擇。
張貼
