酷啡 (已改名) 查看

假日西貢人山人海，行山前想搵達地方食個early lunch一d都唔易，見酷啡唔使排隊又有冷氣位就去試試。比起cafe，個setting似茶餐廳多d。三個人都揀左煙肉大啡菇煎蛋漢堡包配薯角，漢堡好厚身，要一啖食晒個包有d難度。整體感覺不過不失，大啡菇唔係好厚但尚算juicy，薯條好多最後食唔晒。午市套餐奉送餐湯，是日係南瓜湯，我冇飲但聽聞一般。飲品需額外加錢。冰鎮咖啡有d睇頭，好特別咁用速凍 whisky嘅不鏽鋼冰石去冰鎮咖啡，以免溝淡咖啡嘅味道，朋友對佢嘅comment都唔錯。Order左常餐嘅朋友表示個公仔麵湯底完全冇味，見佢加好多黑椒落碗麵度，但最後都放棄咗碗麵😂味道一般但turnover快容易有位，星期六日公眾假期要加10%服務費，性價比一般，唔想排隊嘅朋友可以試吓。