影片
更多
2016-03-09
2357 瀏覽
早喺舊年萬聖節過後不久已發現灣仔月街新開咗間越南餐廳「Brass Spoon」 ，即時更拍下門面照片，諗住約埋屋企人週日走去食晏，又或者閒日去食晚飯，無奈食店逢週日休息，週一至六o既截單時間仲要係傍晚六點半咁早 ，故一直都未有刻意去幫襯。點知猴年到臨，表哥上咗黎拜年，並極力推介店子廚房煮出o既越南湯河可以話係全香港最正嗰碗，XO仔同一時間又收到世交好友虎兄o既短信，內容一樣係對此碗湯河讚不絕口，結果上星期六就決定同父母一試新店 。週六中午十二點九左右到步，食店門外已企滿人龍，橫街窄巷亦泊滿私家車，三人等咗八、九個字後先有位坐，年過花甲o既雙親腿力有限，入座時已見面帶難色 。輪候期間，年輕溫文o既男服務生每人預先派咗張點菜紙，格式就好似日式拉麵店嗰啲咁，只係拉麵換上越南湯河及檬粉、及加插咗越式小食同特飲。門前黑板所示，食客亦可點選每日鮮製o既越南三文治。既然店子正門o既落地玻璃窗上掛有大大個「Pho」字，表哥同虎兄兩個又異口同聲推薦湯河，我地當然係揀食越南湯河啦！靚靚媽咪胃口超細，小肥就叫咗碗加底加料o既，好等二人一同分享 。單睇餐單，估計一個人叫齊食物及飲品，平均消費過百冇
點知猴年到臨，表哥上咗黎拜年，並極力推介店子廚房煮出o既越南湯河可以話係全香港最正嗰碗，XO仔同一時間又收到世交好友虎兄o既短信，內容一樣係對此碗湯河讚不絕口，結果上星期六就決定同父母一試新店 。
週六中午十二點九左右到步，食店門外已企滿人龍，橫街窄巷亦泊滿私家車，三人等咗八、九個字後先有位坐，年過花甲o既雙親腿力有限，入座時已見面帶難色 。輪候期間，年輕溫文o既男服務生每人預先派咗張點菜紙，格式就好似日式拉麵店嗰啲咁，只係拉麵換上越南湯河及檬粉、及加插咗越式小食同特飲。
門前黑板所示，食客亦可點選每日鮮製o既越南三文治。
既然店子正門o既落地玻璃窗上掛有大大個「Pho」字，表哥同虎兄兩個又異口同聲推薦湯河，我地當然係揀食越南湯河啦！
靚靚媽咪胃口超細，小肥就叫咗碗加底加料o既，好等二人一同分享 。
單睇餐單，估計一個人叫齊食物及飲品，平均消費過百冇走雞，真係冇諗到收費喺唔低o既情況下，室內環境o既舒適度居然不及消費起碼平一半o既茶餐廳 。
室內空調不足，中央o既散座都還好，貼牆近窗o既座位感覺除咗唔得大方，高櫈又冇椅背靠倚，側旁枱底又冇掛勾擺放衣物手袋，女食客們尤其食得狼狽 ，有好多人更索性擺放隨身物喺地下，百幾蚊食碗麵似乎區內有不少更舒服o既選擇。
餐店以黃銅匙起名，餐桌除咗有自助醬油及一雙筷子之外，當然係唔少得黃銅匙啦！
平心而論，黃銅匙金光閃閃，不過好睇唔好用 ，飲湯一小一小口，一啲都唔易，個人都係覺得傳統湯匙好用同合適得多。
光顧越南餐廳叫凍越南咖啡黎飲已經成為細佬o既飲食習慣。$38一杯o既凍啡並無喺食客面前滴漏，只見底層已預先加入煉奶，食客必需自行攪勻。依杯凍越南咖啡o既咖啡味不但唔得香濃，一向只可以飲越南咖啡o既大肥爸爸飲完仲開始胃痛，就連媽咪飲完兩口都決定唔再飲，大家只好互望搖頭 。
凍越南咖啡
$38
120 瀏覽
1 讚好
0 留言
蒸粉卷
$55
177 瀏覽
1 讚好
0 留言
春卷
$55
117 瀏覽
1 讚好
0 留言
生菜
129 瀏覽
1 讚好
0 留言
特級生牛肉粉＋牛丸＋粉、多洋蔥、多蔥、多芫茜
$145
178 瀏覽
2 讚好
0 留言
因有親友一再推薦，肥肥家族終無懼排隊，決意一嚐「Brass Spoon」o既越南湯河。食店環境不比茶餐廳好坐，湯河雖然美味，但份量就不如理想，小食及飲品則有所參差，當中更有衛生問題，如果三人食三碗粉，再加小食同飲品，二十分鐘內每人起碼要花成兩舊幾水，食完離開仲一身汗，腰骨酸軟，性價比可以話係極低 ！小肥喺未見到單o既情況下聽錯咗姐姐所讀出o既銀碼俾錯錢，女揸fit人卻以黑面對待，XO仔實在食得背脊骨落，恕難再度回頭俾錢買難受 ！
張貼
