影片
更多
2022-04-17
3824 瀏覽
疫情緩和，朋友話咁耐冇見要book間好啲嘅餐廳，於是佢決定食Tirpse。間餐廳喺k11 musea，行出露台仲可以盡覧維港美景。座低之後我哋就叫嘢食，個Menu有三個sets，我哋就叫咗兩個executives。呢個set包括amuse bouche, starter, second starter, main course, dessert, petit fours, coffee/tea. 佢想每一道菜嘅時候都會有一個簡介俾我哋知道食緊啲咩，雖然我唔係好聽得明，但係我朋友係非常有研究，佢同個侍應傾得好開心。尤其係法國菜睇落去未必知道嗰樣係咩嚟。Amuse bouche 係用一個玻璃器皿裝住嘅湯，上面仲有朵細細朵嘅花，非常精緻，佢係動嘅，飲落酸酸地，有啲蕃茄味，味道很清新。starter 係鮑魚，白蘆筍，紫蘇葉。呢啲望落去又係非常之精緻，鮑魚同白蘆筍隔住咁擺，鮑魚有啲煙熏味加埋中間嘅黃色醬汁同埋紫蘇葉，估唔到味道幾夾。second starter係魷魚仔加溫泉蛋加bottarga。一開始篤爛粒溫泉蛋嘅蛋黃，將魷魚仔撈埋蛋黃汁同埋啲抱抱一齊食好香bottarga同埋蛋味，然後再咬落隻
疫情緩和，朋友話咁耐冇見要book間好啲嘅餐廳，於是佢決定食Tirpse。間餐廳喺k11 musea，行出露台仲可以盡覧維港美景。
座低之後我哋就叫嘢食，個Menu有三個sets，我哋就叫咗兩個executives。呢個set包括amuse bouche, starter, second starter, main course, dessert, petit fours, coffee/tea. 佢想每一道菜嘅時候都會有一個簡介俾我哋知道食緊啲咩，雖然我唔係好聽得明，但係我朋友係非常有研究，佢同個侍應傾得好開心。尤其係法國菜睇落去未必知道嗰樣係咩嚟。
Amuse bouche 係用一個玻璃器皿裝住嘅湯，上面仲有朵細細朵嘅花，非常精緻，佢係動嘅，飲落酸酸地，有啲蕃茄味，味道很清新。
73 瀏覽
0 讚好
0 留言
starter 係鮑魚，白蘆筍，紫蘇葉。呢啲望落去又係非常之精緻，鮑魚同白蘆筍隔住咁擺，鮑魚有啲煙熏味加埋中間嘅黃色醬汁同埋紫蘇葉，估唔到味道幾夾。
54 瀏覽
0 讚好
0 留言
second starter係魷魚仔加溫泉蛋加bottarga。一開始篤爛粒溫泉蛋嘅蛋黃，將魷魚仔撈埋蛋黃汁同埋啲抱抱一齊食好香bottarga同埋蛋味，然後再咬落隻魷魚仔度入面啲膏會必晒出嚟，有爆漿嘅感覺，又有少creamy，由於成碟得三隻，令你想再食又冇得繼續，好想叫多個set食多一次。
37 瀏覽
0 讚好
0 留言
main course我嗌左帶子，佢就嗌咗和牛(+$228)。我嗰碟包括左兩粒帶子，山菜，我諗menu講嘅clam係攞嚟整個汁。兩粒帶子切半，一啖一粒，都算有肉，個汁清清地，上面有一種葉係類似山葵，味道比較濃烈，加埋個帶子食都算驚喜。成道菜嘅感覺比較中式。
28 瀏覽
0 讚好
0 留言
30 瀏覽
0 讚好
0 留言
佢嗰碟A4和牛聽佢講喺充滿牛脂香，識落當然唔韌，睇佢個樣都非常滿意。
20 瀏覽
0 讚好
0 留言
dessert就係類似泰國嘅椰汁芒果糯米飯，好食係好食，重椰汁味，芒果都甜，上面有啲爆米粒，只係好似同main course冇咩關係。petit fours一個係類似Royce士多啤梨白朱古力米通，令一款係類似杏仁餅乾。
26 瀏覽
0 讚好
0 留言
coffee/tea 我哋就冇叫到。因為我哋叫咗酒。一set四杯，朋友一開頭擔心唔抵飲，因為唔知佢會serve咩酒，但係佢最後好滿意，因為啲酒都係啲靚酒。因為我食帶子所以waiter走recommend 左兩款比較dry白酒，一款清酒同埋一款dessert wine。但係實際上每隻酒叫咩名我就唔太記得。第一杯白酒係前菜嗰陣上。聞落清香，full body, dry但係飲落唔會酸，係2017年法國南部嘅提子釀製而成，可想而知幾好飲。第二杯係清酒，聞落好似有淡淡花香，飲落好舒服，唔會好濃烈，本身我唔太鍾意飲清酒但係都覺得好飲。第三杯係白酒，main course嗰陣上，因為我食海鮮所以佢特登推介呢隻白酒，呢隻酒就咁飲非常麻麻，因為佢嘅酒窖係海邊非常潮濕，所以佢嘅酒味都係鹹鹹酸酸，但係同帶子一齊係出奇地夾。最後一杯係dessert wine，甜得來有少少dry，唔會剩係得甜，非常欣賞。
張貼
