七月餐室 (已結業)

放工時間經過九龍灣約咗老友一齊撐臺腳吹下水. 經佢介紹,我地去左九龍灣工業區一間小炒餐廳-七月餐室. 原本冇咩期望但七月餐室嘅家常小炒有幾有水準,值得一試!同普通茶記/小炒店一樣,首先奉上嘅係列湯. 嗰晚嘅列湯係青紅蘿蔔湯. 除咗湯料頗足料仲加咗紅棗,湯水清甜.一d都唔hea值得讚吓.蝦醬蒸豬頸肉: 佢份量都頗大,蝦醬都落得頗多,蝦醬味濃,豬頸肉爽口. 鹹香惹味下飯一流蜜桃酸甜百花球: 七月餐室嘅招牌菜之一. 味道酸甜易入口,食落似咕嚕蝦球. 值得讚嘅係佢蝦球新鮮,食落爽口彈牙七月海鮮煲: 七月餐室嘅另一道推薦菜式. 沙煲做法, 配料幾多: 有石斑、蟹柳、青口等. 新鮮熱辣, 醬汁惹味另外七月餐室係工業區內所以價錢親民唔貴, 份量偏大,絕對係高cp值得一試！