三川居酒屋 (已結業)

好耐都未返過日本既鄉下，要去返件比較日本既居酒屋食飯來平衡下心情。我已經來過呢間三川第三次啦，覺得好日本，食物性價比好高！幾舊水又個刺身拼盤，d 魚，貝類又夠新鮮，仲想點？新鮮大拖羅、金目鯛、銀鱈魚、羽太、帶子、北寄貝、牡丹蝦同法國生蠔。特別係個新鮮大拖羅，好Juicy，啲魚油「必」晒出嚟。上網見到好多人叫大啡菇加明太子，咁當然係照跟啦，又真係幾值得推介喎。芝士鋪係明太子面，咬落去有唔同嘅口感，芝士搭住嗰種香味。朋友好鍾意食牛舌、雞腎、雞皮、鴨舌、墨魚咀，我比較鍾意雞腎同牛舌，厚身得來有味道同可以點辣醬。值得一提嘅係佢嘅辣醬，佢雖然係好辣，但係點左都仲可以食到食物嘅香味！白鱔塊皮好脆，都係值得推介嘅！性價比超高！