發記東南亞餐室 (已結業)

同女朋友下午行行下大坑搵好野食, 咁岩就有位超級熱心既女仕(應該係老闆娘)叫住左我地，問我地食左野未，入黎試吓喇。係依家香港少有既服務呀😍 咁我地就試一試佢個莊。叫左個海南雞同肉骨茶海南雞夠晒滑 份量都唔錯 而且仲會跟個湯，個湯唔係出面茶餐廳飲落完全無味個種，係真心有湯水味幾好飲個種。至於肉骨茶女朋友話都唔錯 岩岩好 但係之前係馬拉食過仲正，但係都岩味。我自己本身就唔鐘意肉骨茶, 但飲落都覺得唔錯 係藥材味重左d(亦都係我唔鐘意肉骨茶既原因)整體而言，食物正宗，水準唔錯。服務勁好，真係比錢食個服務都夠回票價。