常滿百家菜

營業中

休息中

唔覺唔覺又2024年，今日同一家大細嚟咗呢度食晚飯，要咗個任飲任食火鍋點心套餐，一個人只需要$198，仲可以食足5個鐘，如果大胃王過嚟食嘅話一定好抵😂 點心選擇超級多，有成20款左右，有蒸亦有炸，我哋樣樣叫咗少少試吓味道，值得一讚嘅喺呢度可以逐件逐件叫，按返人頭咁樣食就唔怕浪費啦！我最鍾食小籠包、蝦餃皇、鮮蝦燒賣皇同鮮竹牛肉球。小籠包望落個樣一般，但係食落竟然會爆汁，而且個皮夠薄身，好有驚喜。蝦餃皇果然真係蝦餃皇，因為入邊有成三至四粒大大嘅蝦，出邊未食過咁多蝦嘅蝦餃，仲要係爽口彈牙嘅😱燒賣同樣好鬼大粒，唔粉，有肉，好正、牛肉球真係不得之了，傳統懷舊味道，我哋食到舔舔脷，好癲呀，呢個價錢出邊真係食唔到🥹 等緊點心嘅同事可以食火鍋，有雞煲亦可以要單鍋或者鴛鴦鍋，自助區有蔬菜同埋丸子可以攞，牛肉啊，其他嗰啲就tick紙，overall質素都唔錯，見啲人係咁攞，講真食完一輪點心已經爆咗七成都唔係食到好多火鍋🥱會encore。