Home Sweet Home (已結業)

心血來潮好想食生蠔，結果喺OpenRice Search到喱一間＄99 半打，好似幾抵咁，所以就衝左過嚟食。咁啱撞正下午茶時間，結果嚟到就叫咗一打生蠔，兩件鵝肝多士，同埋一個滋味小食拼盤。今日空運過嚟嘅生蠔係法國蠔，＄99半打真係好抵！而且每隻生蠔都好大隻，好重海水味得來都好Creamy，簡直值回價格！鵝肝多士個鵝肝雖然有啲細但係同多士、黑醋汁結合得好好，值得一試，但都係鵝肝可以大舊啲就正啲！滋味小食拼盤由於土匪雞翼冇，所以就換咗泰式雞翼，雞翼每一口都係好有肉地，＄29有埋薯圈，其實呢個下午茶真係好抵食！下次有機會一定會再嚟呢度食！順帶一提老闆娘同服務員嘅服務質素都好好、好有禮貌！