一焼肉

營業中

休息中

上水廣場新開左間一人燒肉，收工時間7點去到都唔洗等位，直接入座試下先🤤。燒肉定食 - 精選牛三食 (250g $128)晚餐會有定食套餐，嗌左精選牛三食🐂，分別有牛五花、牛板翼、牛舌，配有白飯🍚、湯品及小食🥗。白飯分別有大細兩個份量可選，我揀左細嘅，同埋加左9蚊轉海荅飯，而小食有泡菜、是日漬物、枝豆可以揀，我揀左是日漬物，係有醃漬嘅青瓜🥒及牛蒡。每款牛都有6片，份量頗多👍🏻，最後係食曬碗飯都剩低啲肉。牛五花肥瘦相間，燒完之後，充滿油脂感，厚實嘅肉感唔會好柴或者好腻，啱啱好🤩。牛板翼見到啲筋同油花，食起上黎有咬感，牛味濃都😋。牛舌薄薄一片，肉質十分軟嫩🤤。餐廳仲提供左唔同嘅醬汁同鹽，可以根據自己喜好沾點唔同肉類👏🏻。整體而言，性價比極高嘅一人燒肉🫶🏻，宜家中午仲推出左 60分鐘放題燒肉。提提大家，佢地晚市用餐時間係 60分鐘，唔收現金，只收電子支付，仲要係手機度自己完成結賬，雖然係好方便，但大家如果想幫襯就記得留意啦🤓。