黑木亭-お食事処 (玉成大廈) (已結業)

今日我同同事encore呢間日本餐廳，叫咗商務二人前，有新鮮嘅刺身、左口魚卷物、自助沙律吧，主食我哋簡咗芝士流心玉子鰻魚飯同埋六貫壽司配湯烏冬。刺身厚切！啖啖肉！好新鮮，一啖入口即化，一點都冇腥味，味道好鮮美🤓左口魚卷物左口魚同蟹子好夾，帶出兩款海鮮嘅美道，亦都要讚讚佢哋嘅plating ，好靚！芝士流心玉子鰻魚飯大大塊嘅鰻魚肉底下仲藏住一個芝士流心玉子。呢個玉子蛋好嫩滑，咬一口就會流出啲芝士嘅香味，同軟嫩嘅鰻魚肉一齊食，真係好正呀！😛六貫壽司配湯烏冬壽司飯係好高質，有啲醋香味，而湯烏冬就攞嚟暖暖胃！因為太飽，我哋食唔落沙律吧，但有好多款簡架！🥗總括黎講，呢間日本餐廳嘅食物真係好好味，每一道菜都用心制作！