Bittersweet (已結業)

家住火炭，而粉嶺比我嘅印象係純住宅區，踩單車、行山、購物都唔會諗起粉嶺，而偏偏會為呢間cafe跨區入嚟，只為一餐。首先，性價比極高👍🏼其實，我每次嚟都無理會價錢🤣因為定價太合理，眼闊肚窄咁狂點菜，每人都只不過係HK$100左右，而我今次2份all day breakfasts, 2杯latte, 加1件cake, 埋單只不過係HK$136!! 睇相，份量係男人都會飽😌其次，好味👏🏼其實，煙肉呀、腸呀、粟米等等，去邊食，味道都一樣，咁點為之好味？分別就在於凍冰冰定冒白熱上枱，呢間逢熱食都熱辣辣咁送上枱♨️有心機呢度嘅蛋糕，係女士嘅褔音，剛好嘅甜度，毫不甜膩💯更欣賞呢度嘅咖啡師，不論Latte、Hand drip順口，並充分發揮咖啡豆應有嘅個性🉐最後，服務態度？澳牛又如何？親疏有別，有棱有角，我欣賞，唔buy就去連鎖店，店員與客人相敬如賓冷冰冰嘅關係，不少人習慣了吧。關係係雙向嘅餐廳口袋名單有好幾間，但質素穩定，性價比極高，氣氛舒適，又不限時，暫時只得呢間。