水門雞飯 (裕民坊YM²)

營業中

休息中

Item: 水門雞飯 (裕民坊YM²)
Rating: 5
Author: C.C.SINN

4.5

97 食評

味道

環境

服務

衛生

抵食

1221

觀塘

$51-100

泰國菜

C.C.SINN

等級3

今日放假唔知食咩好之際就醒起呢間水門雞飯之前經過見到佢哋既裝修吸引左我既眼球呢間水門雞飯既裝修好精緻同其他分店好唔同主要用深木色做主調成個感覺好和諧好舒服仲有大大個玻璃有充足既日光照射住而且餐廳有outdoor seating 遲下天氣涼小小坐係出面睇下景吹下風諗起都覺得正今次第一次試呢間水門雞飯就買左幾款野食返屋企試下試試佢咩料子先～🐓 水門半隻雞黎到呢到當然要試試佢地既水門雞啦雞肉肉質偏實淨但一啲都唔會鞋雞皮係非常之薄身個隻口感偏爽口食完都唔會覺得成口油配搭埋附送既醬汁酸酸鹹鹹辣辣好味道水門半隻雞仲會配埋雞雜係入面有雞腸雞腎雞紅完全唔會有異味隨雞附送既冬瓜湯雖然外表平平庸庸但飲落有明顯既胡椒香味飲落清清地好舒服🐷 香葉辣肉碎煎蛋飯雖然呢到主打水門雞但佢其他菜式一啲都唔失禮呢個香葉辣肉碎煎蛋飯非常出色煎蛋係燶邊蛋十分脆口仲要保留到流心既蛋黃辣肉碎相對上偏酸小小加埋粒粒辣椒好醒胃辣肉碎入邊除左有辣椒豆角仲有洋蔥粒口感味道都非常豐富亦都唔會炒得過份油膩另外佢個飯唔係普通既白飯係雞油飯好香既雞油味但同時又唔會太油一啖肉碎一啖雞油飯

今日放假唔知食咩好之際就醒起呢間水門雞飯

之前經過見到佢哋既裝修吸引左我既眼球
呢間水門雞飯既裝修好精緻同其他分店好唔同
主要用深木色做主調成個感覺好和諧好舒服
仲有大大個玻璃有充足既日光照射住
而且餐廳有outdoor seating 遲下天氣涼小小
坐係出面睇下景吹下風諗起都覺得正

今次第一次試呢間水門雞飯

就買左幾款野食返屋企試下
試試佢咩料子先～

🐓 水門半隻雞

黎到呢到當然要試試佢地既水門雞啦

雞肉肉質偏實淨但一啲都唔會鞋
雞皮係非常之薄身個隻口感偏爽口
食完都唔會覺得成口油
配搭埋附送既醬汁酸酸鹹鹹辣辣好味道
水門半隻雞仲會配埋雞雜係入面
有雞腸雞腎雞紅完全唔會有異味
隨雞附送既冬瓜湯雖然外表平平庸庸
但飲落有明顯既胡椒香味飲落清清地好舒服

🐷 香葉辣肉碎煎蛋飯

雖然呢到主打水門雞但佢其他菜式一啲都唔失禮
呢個香葉辣肉碎煎蛋飯非常出色
煎蛋係燶邊蛋十分脆口仲要保留到流心既蛋黃
辣肉碎相對上偏酸小小加埋粒粒辣椒好醒胃
辣肉碎入邊除左有辣椒豆角仲有洋蔥粒
口感味道都非常豐富亦都唔會炒得過份油膩
另外佢個飯唔係普通既白飯係雞油飯
好香既雞油味但同時又唔會太油
一啖肉碎一啖雞油飯真係無得輸

🥦 馬拉盞西蘭花炒魷魚鬚

平時食馬拉盞通菜食得多今次就試下西蘭花
呢到既炒菜都非常之唔錯
成碟菜炒得非常惹味醬汁調味調校得岩岩好
每一舊西蘭花都充滿住滿滿既醬汁
魷魚鬚亦都非常有咬口唔會煮到縮哂水乾哂咁
如果唔想再食通菜呢個絕對係另一個好選擇

🥤 CHANG 泰象梳打水
呢排天氣熱辣辣飲返支冰凍既梳打水中和下
餐廳好好會先幫忙開左支梳打水
咁就唔洗擔心返到屋企開唔到

唔食都唔知道原來呢到有咁多食物款式選擇
今次揀到我選擇困難症發作完全食唔哂我想食既野
相信好快會回頭試埋其他食物款式🤭