影片
更多
2023-03-24
3986 瀏覽
📌 牛一 (利舞臺廣場) - 銅鑼灣波斯富街99號利舞臺廣場17樓A號舖🗓(23/3) 星期四 ⏰ 中午12:30左右 💈特式：我好鐘意食Shabu Shabu日式放題，亦試過不少香港連鎖日式放題店，但始終覺得牛一係最好，而且性價比最高，佢係香港總數有8間分店，其中有6間我都有幫襯過。佢地最平個餐嘅牛肉質素已經其他店高一個級數嘅好，配料/湯底亦做得唔錯，所以每次想食日式火鍋，我只會首選牛一。🥩🍔🌭🌮🥗🥯🥘🍲🍝🍣🥟🍤🍱食物：因為近我公司，所以我多數都係lunch時間去，就變得更加抵，佢地午市有分得一碟肉嘅定量放題同任食肉嘅放題，我每次都係揀最平嗰個$148 任食90分鐘set，而家等我同大家講下🍲🐮味道先。湯底 - 湯底就有8~9款選擇，亦有時會推出期間限定湯底，我差唔多所有湯底都試過，覺得最好就係壽喜燒，蕃茄豚骨同最近推出嘅亞參叻沙；揀壽喜燒仲會送每位一隻日本雞蛋，有些其他日式火鍋店係無包的，需要另外加錢先會有日本蛋。肉類 - 肉就包括有牛豬雞3款：牛🐮，雖然我叫嘅係最平嗰個級數嘅牛肉set，但質素一d都唔差，甚至比其他日式火鍋店嘅中級數牛肉更好，我亦曾經試過係牛一叫高一
🗓(23/3) 星期四 ⏰ 中午12:30左右
💈特式：我好鐘意食Shabu Shabu日式放題，亦試過不少香港連鎖日式放題店，但始終覺得牛一係最好，而且性價比最高，佢係香港總數有8間分店，其中有6間我都有幫襯過。
佢地最平個餐嘅牛肉質素已經其他店高一個級數嘅好，配料/湯底亦做得唔錯，所以每次想食日式火鍋，我只會首選牛一。
🥩🍔🌭🌮🥗🥯🥘🍲🍝🍣🥟🍤🍱
食物：因為近我公司，所以我多數都係lunch時間去，就變得更加抵，佢地午市有分得一碟肉嘅定量放題同任食肉嘅放題，我每次都係揀最平嗰個$148 任食90分鐘set，而家等我同大家講下🍲🐮味道先。
湯底 - 湯底就有8~9款選擇，亦有時會推出期間限定湯底，我差唔多所有湯底都試過，覺得最好就係壽喜燒，蕃茄豚骨同最近推出嘅亞參叻沙；揀壽喜燒仲會送每位一隻日本雞蛋，有些其他日式火鍋店係無包的，需要另外加錢先會有日本蛋。
肉類 - 肉就包括有牛豬雞3款：
牛🐮，雖然我叫嘅係最平嗰個級數嘅牛肉set，但質素一d都唔差，甚至比其他日式火鍋店嘅中級數牛肉更好，我亦曾經試過係牛一叫高一個級別嘅牛肉，但質素相差真係好少，所以可以只叫最平級數，攞高個性價比；另外，食放題常見嘅出菜質素參差問題，呢間都有，但唔算嚴重，可能食10碟會有1~2碟係比較差d嘅位置，例如太瘦或有筋，不過情況仍可接受。
豬🐷 ，豬肉就都幾睇彩數，我有時覺得佢d豬肉嘅質素真係幾好，甚至好食過佢d牛肉，但亦有試過d豬肉好瘦好靭，所以大家可以先叫一碟試試先。
雞🐔，雞肉就正常發揮，無乜特別，但我每次去都會幫襯下食1~2碟嘅。
配料 - 配料係放晒係出面自助區的，但我試過佢8間分店入面嘅其中6間，發現唔同分店嘅配料都會有所不同，當中我覺得利舞臺店配料最好，我常食嘅有花生芽/銀芽/皇帝菜/萵筍，其中丸類質素都唔差，尤其是牛丸，好重牛油香味。
☕️🍵🥤🧋🍺🍷🥃🍹🧉🍾🍶🥛
飲品 : 飲品亦都係自助的，有罐裝啤酒/汽水/有汽梳打水，紙包飲品/茶，亦有汽水機同茶包。
🍽環境：餐廳環境因應每間店都有唔同，我覺得利舞臺店環境比較好，有大量玻璃窗，感覺比較光猛，iSquare/始創/元朗廣場/屯門市廣場都係全室內環境，不過地方同坐位都算寬敞闊落，環境都係企理同衛生。
🤵🏻🤵🏻♀️🤵🏻♂️服務：店員服務態度大致上都ok，店舖係用QR Code落單，落單係上菜速度都幾快，大約2~3分鐘就會送到，加湯就間間唔同，有d就會放左一壼湯係枱面比你自己加，有d就係出面自助攞湯加，有d就係叫職員幫手加。
💰💸價錢：因為我近期都係lunch時間去，同叫最平個set，埋單連加一就大約$160/人，但我通常個日lunch食完放題就唔需要食夜晚個餐，所以呢個價錢都算合理。
🐲💬總結：我覺得牛一係現時香港日式火鍋放題性價比最好，牛肉質素又穩定，湯底亦做到合格，配料選擇多，所以已經變成我同同事嘅飯堂之一。
推薦指數：❤️❤️❤️❤️❤️
張貼
