初鮨 (已結業)

性價比超高而且平價嘅Omakase！快點衝！掛住老鄉好耐了，早幾個月前book定今日終於可以享受一下。🌈 梅 $380呢度嘅壽司種類繁多，並非平時食開嘅類別。確實係我大開眼界，有好多都驚艷到我，冇諗過係咁出色。首先師傅安排嘅前菜有沙律、松葉蟹肉茶碗蒸。柚子沙律配埋茄子仔，非常開胃。松葉蟹肉茶碗嘅蒸蛋蒸得好靚，完全冇凹凸洞👍🏻味道鮮甜。🌈刺身3款:帆立貝、春魚、太刀魚帆立貝軟身又有彈性，入口魚甜。師傅叮囑一定要食左先。春魚同埋太刀魚都係第一次食，感覺不錯。🌈壽司10貫:黑雕、間八、深海池魚、金目鯛、魷魚、梭子、銀鱈魚、左口魚裙邊、白饅同北海道海膽。黑雕感覺最特別，因為佢嘅魚皮比較厚身，食落去比較有咬口。海膽夠晒igable就唔使講啦😋🌈麵豉湯+甜品係榛子雪糕🍦，仲有少量榛子粒混合埋一齊，甜甜的作結。