影片
更多
2021-05-14
8042 瀏覽
咁耐以來只係食過一次🇵🇪秘魯菜, 大概6, 7年前, 餐廳名叫MAYTA Peruvian Kitchen & Pisco Bar, 留下非常好既印象, 食材處理得好好, 醬汁調味美味又特別, 出面好少見, 可惜好快就執左。好多年後既今日, 搵到呢間評價不錯同樣位於中環的秘魯菜餐廳, 同我唯一的一次經驗比較下。入到去Tokyolima 既第一個感覺係好噪, 💥噪到令人頭痛嗰種, 如果唸住約朋友食飯傾計既唔建議去, 要嗌破喉嚨先聽到對方講野。第二個感覺係好似去左外國咁, 無論裝修, 侍應, 甚至人客都令人覺得自己好似置身於峇里島既某一間PUB咁, 外國客人仲多過香港客人好多。星期六午餐只供應Brunch, 只需要選擇主菜便可。先來一杯🍋lemonade (唔飲cocktail轉) - 有一陣清新既香草味, 不過好酸。然後一次過黎左3款前菜, 全是我最愛既魚刺身料理, 分別係salmon causa, mango ceviche同 maguro nuevo。而被我清碟的就是🥭mango ceviche - 這是南美洲國家常見的菜色, 香甜芒果汁同鱸魚撈埋一齊食, 開胃惹味。maguro n
好多年後既今日, 搵到呢間評價不錯同樣位於中環的秘魯菜餐廳, 同我唯一的一次經驗比較下。
入到去Tokyolima 既第一個感覺係好噪, 💥噪到令人頭痛嗰種, 如果唸住約朋友食飯傾計既唔建議去, 要嗌破喉嚨先聽到對方講野。第二個感覺係好似去左外國咁, 無論裝修, 侍應, 甚至人客都令人覺得自己好似置身於峇里島既某一間PUB咁, 外國客人仲多過香港客人好多。
星期六午餐只供應Brunch, 只需要選擇主菜便可。
先來一杯🍋lemonade (唔飲cocktail轉) - 有一陣清新既香草味, 不過好酸。
然後一次過黎左3款前菜, 全是我最愛既魚刺身料理, 分別係salmon causa, mango ceviche同 maguro nuevo。而被我清碟的就是🥭mango ceviche - 這是南美洲國家常見的菜色, 香甜芒果汁同鱸魚撈埋一齊食, 開胃惹味。maguro nuevo 我都鍾意, 我認為就係一般既吞拿魚🥑牛油果卷, 特別在加入左用紅菜頭整成既沙律醬, 平時不吃魚生既老公話呢個OK冇乜腥味, 所以我讓比佢食。而salmon causa 我無食, 因為有我唔鍾意既薑汁。
再黎是兩款小食, pan con chicharron - 秘魯傳統三文治食法, 用豬肉, 🍠蕃薯同洋蔥組成既三文治。味道普通, 聲稱的慢煮豬腩肉肉質不甚嫩滑, 麵包也不香脆, 特別在提供了兩款醬汁比客人點黎食, 可惜其中一款醬汁有好強烈既芫茜(我最討厭的食物)味道。 ki-mo-chi fried chicken - 難道這是秘魯菜的特色嗎? Tokyolima 供應既所有食物溫度包括之後既主菜都是微暖的, 其他食物都可以接受, 但係...炸雞唔係熱辣辣咁食真係好扣分, 肉質同樣不甚嫩滑。
跟住就是主菜, the fatty piggy - 又係慢煮豬腩肉, 每次見到慢煮呢兩個字都會忍唔住嗌, 今次見到慢煮再加用上半肥瘦的部位唸住肉質一定會好軟腍, 但可惜整體都係偏韌。
estofado con pan - 係我對今日 Tokyolima 所食到既熟食都感到失望既時候, 呢道slow-cooked short ribs 竟然有驚喜, 牛肋骨唔使用力就已經🔪切得開, 肉味濃郁口感非常嫩滑, 好好味。
之後仲有🥗沙律同甜品, 真係非常之飽, 食唔落, 老公話沙律用料新鮮, 眼見有好多我愛既食材- 南瓜, 脆米, 杏仁, 鵪鶉蛋...而甜品就打包返屋企請呀仔食。
我認為 Tokyolima 的賣點是食物份量大, 款式多, $398 有飲品, 刺身, 小食, 主菜, 沙律同甜品, 服務也不錯, 雖然客人非常多, 但也勤加水, 收餐具, 介紹菜色, 有笑容, 無漏單, 食物也是一道一道跟次序咁上, 唔會話迫埋一齊上又或者要我地等好耐, 而最估佢唔到既就係 - 免收加一服務費。
張貼
