博多拉麵別天神 (已結業)

近排天氣凍想食拉麵，上網見到啲人介紹呢個有幾間分店嘅拉麵店，特登過嚟試一試別天神套餐 ($105) + 蝦味噌套餐 ($115)同朋友一人叫一個餐，想每樣都試下小龍蝦蟹子沙律廚師將小龍蝦肉同蟹子切成蓉整做一個波，用紫菜包住幾特別。煎餃子餃子煎得幾香脆，咬落唔算多肉汁但都好食。豚骨湯麵套餐有我最愛嘅溏心蛋，另外叉燒都好厚好有咬口，唔會太冧，湯底頗為清香。蝦味噌豚骨湯麵比起普通豚骨湯麵，呢個湯底更香濃，重有一大堆櫻花蝦，推薦比較鍾意濃味啲嘅人試呢個。