影片
更多
2024-05-14
1133 瀏覽
以前好鍾意去Mr. Steak食Buffet，覺得佢價錢唔算好貴，但可以食到好多海鮮，仲要有生蠔任食。就黎母親節，今年提早慶祝，帶埋媽咪黎試下，佢都好滿意呀。一入座就送豪華魚生船😱入面有好多款魚生，包括有三文魚、油甘魚、八爪魚同三文魚籽等等。魚生勁新鮮鮮甜，特別係紅蝦同三文魚籽，可以媲美日本既魚生呀！呢度仲有好多海鮮食，好易就食到回本啦！晚市仲要低至$358，可以任食和牛生蠔鴨肝鮑魚龍蝦，簡直係全港性價比之冠呀😍5月份仲有母親節限定燕窩、桃膠、榴槤等美食架。推薦大家黎慶祝母親節／父親節✨🟡海鮮類海鮮類非常豐富，有龍蝦、長腳蟹、青口、蜆、蝦同埋生蠔。生蠔係美國產地，一D都唔腥臭，食到陣陣海水蠔味，我都食左幾轉。另外屋企人好鍾意食龍蝦，入面有滿滿蝦膏，肉質厚，啖啖肉。好多Buffet既長腳蟹會過咸，好大陣海水味，呢度就無呢個問題。🟢和牛Mr. Steak Buffet 其中一個賣點就係任食日本和牛啦，廚師會即場切割佐賀牛再煎俾你食，佐賀牛滿滿牛脂，好香口。仲有日本和牛同埋美國極黑和牛壽喜燒，岩哂鍾意食唔同類型和牛既朋友。🔵魚生＆天婦羅&壽司食完魚生船覺得唔夠喉？呢度仲有魚生任食，可以再出去
🟡海鮮類
海鮮類非常豐富，有龍蝦、長腳蟹、青口、蜆、蝦同埋生蠔。生蠔係美國產地，一D都唔腥臭，食到陣陣海水蠔味，我都食左幾轉。另外屋企人好鍾意食龍蝦，入面有滿滿蝦膏，肉質厚，啖啖肉。好多Buffet既長腳蟹會過咸，好大陣海水味，呢度就無呢個問題。
🟢和牛
Mr. Steak Buffet 其中一個賣點就係任食日本和牛啦，廚師會即場切割佐賀牛再煎俾你食，佐賀牛滿滿牛脂，好香口。仲有日本和牛同埋美國極黑和牛壽喜燒，岩哂鍾意食唔同類型和牛既朋友。
🔵魚生＆天婦羅&壽司
食完魚生船覺得唔夠喉？呢度仲有魚生任食，可以再出去拎返同樣既魚生架！另外仲有幾款壽司任食，而天婦羅就係即叫即炸，保證熱辣辣。
🟣熟食
熟食方面選擇都唔少，包括有馬來咖哩牛腩、金銀蛋蒜子浸菠菜、豬腳薑、焗生蠔、鴨肝同清蒸比目魚等等，岩哂鍾意食中菜既爸爸媽媽
🔴湯類
中西式湯都有，分別有磨菇忌廉湯同茶樹菇乾貝煲螺頭湯，每次中式湯一出爐就會好快俾人拎哂，屋企人好鍾意飲，飲左幾盅呀。
🟢小食拼盤
Buffet必定有芝士同埋Ham，仲有自助沙律吧。
🔵飲品
除左有咖啡同果汁外，估唔到呢度有紅白酒任飲，好驚喜呀，白酒好易入口，岩哂配海鮮飲。仲有兩款幾特別既茶，分別係樹莓百香果味綠茶同鉑金英倫茗香伯爵紅茶，個人好鍾意飲樹莓百香果味綠茶，茶入面有陣陣花香味，但又唔會好似花茶咁太甜。
🟠甜品＆雪糕
呢度有Buffet必食既haagen dazs雪糕，仲有可以寫生日字句既心太軟，想當年都成日黎呢度慶祝生日架。而甜品方面都有好多款,仲有拿破崙、藍莓芝士餅、香蕉Pancake、tiramisu同窩夫等等，甜品都唔會過甜，特別推介拿破崙😍
.
張貼
