壽司淳

營業中

休息中

今日（1月20日）同幾位朋友去食個late lunch，點知最後大家都好唔開心，尤其是我地同個板長相熟嘅朋。事緣我地5個人去到就叫左個Omakase lunch $780 一位，跟住個位板長就話今日香箱蟹最後一日供應，但佢跟住就走左去，咁我地唯有問吓嗰位板前，隻香箱蟹幾多錢？佢話$300，其實水尾香箱蟹唔值$300嘅！跟住就出事喇。食食吓開始發覺有問題，頭幾樣食物完全無鮮味，後來就好啲。因其中一位朋友嘅世侄女昨日，即19日食過，所以就問板長點解今日嘅嘢同昨日唔同，板長無答。到最後埋單加一連香箱蟹，每人$1,738。問板長點解咁貴，佢話幫我地upgrade 左個餐。咁都得！唔使話聲我地知㗎，就算點熟都要講聲啦！以後都唔會再去。