豚本家 (已結業)

假日同朋友到荃灣shopping, 無意中發現鄰近荃灣地鐵站只有幾十秒步程, 有間主打吉列定食嘅餐廳, 另有刺身定食、燒肉定食、燒物定食、小食同埋飲品。每款定食包括有茶碗蒸、麵豉湯、漬物、白飯同埋椰菜絲, 其中白飯、椰菜絲可供免費追加, 而白飯更可加錢升級蕎麥麵或烏冬, 滿足不同胃口。【吉列豬斧頭扒定食】HK$178+HK$38追加三文魚腩: 很厚切, 魚質爽滑有魚油香原件吉列豬斧頭扒size果然很巨型, 有如手掌般大, 而且厚肉, 拎起手影相都感覺墜手, 炸得金黃香脆, 不會過於油膩, 肉質彈牙keep到些少肉汁, 配有鹹甜燒汁自行沾點, 味道更提升。 套餐嘅茶碗蒸口感極之香滑, 有淡淡蛋香; 將椰菜絲撈芝麻醬食, 清新配搭, 有助減膩;【吉列三文魚柳定食】HK$125炸煮時間握掌得剛剛好, 三文魚只有近吉列皮內層為熟, 香脆吉列皮鬆化, 熟三文魚嫩滑有魚香, 內層keep為刺身, 完全滿足到三重口感。