滿小館

營業中

休息中

朋友介紹話呢度幾抵食，今晚去了尖東滿小館吃飯。火焰古法燒叉燒，上菜有個鐵網及底托盤，之後會點火，馬上聞到香濃嘅燒肉味，叉燒邊位燒得好脆身，梅頭的位置，肥瘦相間，偏向少肥嘅叉燒，入口啖啖肉又香又滑，面頭有少少桂花，所以叉燒入口有少少桂花蜜糖嘅香味！蒜蓉粉絲蒸元貝，火候控制唔錯，入口彈牙，有粉絲及生熟蒜蓉。澳洲龍蝦上湯焗，做緊特價，$468所以都想試一試，上枱龍蝦肉嘅份量都幾多，絕對冇偷工減料，個上湯幾入味，加埋底嘅少少伊麵，值得一試！味菜胡椒豬肚雞煲，份量好大煲，豬肚處理得好好，入口又香又脆，雞肉煮得好入味，而味菜有啲似潮州式帶甜味，整體味道甜味較重酸味較少。金銀蛋浸時蔬，面頭有啲皮蛋鹹蛋肉碎，加上個上湯都好美味。餐廳上枱賣相都幾有心思，見隔籬枱菜式好多時都有啲冰鎮，乾冰及火焰，味道出色，價錢算公道。