燒烤堂

營業中

休息中

原來串燒都可以食到好平，好飽😍嗌左咁多野，4個人食，除番開每人都係3百蚊內🍢🤤涼拌藤椒魚皮魚皮充滿骨膠原，好爽脆，一啲都唔淋，配埋藤椒同麻辣汁，作為前菜好開胃😋鹽燒日本雞胸軟骨、鹽燒雞軟骨、麻辣雞軟骨雞胸軟骨比起雞軟骨大件啲，爽口啲明太子燒飯團🍙，明太子雞腿肉🍗，明太子淮山全部都鋪滿明太子醬😍好香，好夠味，中意明太子既朋友，一定要嗌😋紫蘇雞皮蝦雞皮燒到脆卜卜，蝦肉吸收咗雞油嘅香味同埋紫蘇葉嘅清香，口感同味道都好有層次紅葱油蒜蓉粉絲燒元貝元貝好新鮮，紅蔥油同蒜頭嘅香味，更加帶出咗原元貝嘅鮮味欖角蒜蓉粉絲燒蟶子蟶子好大隻，欖角份量適中，唔會蓋過咗蟶子嘅鮮味鹽燒白鱔表面燒到乾身脆口，咬落去充滿油香，而且肉質彈牙檸蜜牛油包麵包本身有芝士粒，表面燒到好香脆，再加埋厚切牛油，非常邪惡。原本以為會好油膩，但加埋檸蜜可以balance返個油膩感鹽燒萵筍燒萵筍都幾fresh，鹽香加少少辣辣地好好味川燒蒜蓉茄子辣度啱啱好，加埋川式香料同蒜香，重口得嚟十分惹味蜜糖燒菠蘿蜜糖燒菠蘿相對冇咁甜，菠蘿嘅香味比較明顯黑糖燒菠蘿黑糖燒到變脆，好似焦糖嘅口感同味道糖不甩燒芝麻湯丸外脆內軟，芝麻餡好香，趁熱食嘅話會流心