伊甸 (已結業)

觀塘非常之近地鐵站嘅呢一間台式餐廳，成日經過都見到好多人，星期六嘅兩三點去到要排隊，真係好誇張！嗰日我自己嗌咗一個寶島蛋餅配粟米肉鬆，而且亦都有埋輕量嘅沙律。佢嘅粟米同肉鬆份量非常之多，蛋餅亦都唔會煎得好油膩。味道啱啱好，份量做一個午餐都可以！而我自己嗌多咗一個黑松露薯條，佢嘅黑松露醬份量都幾多，唔會食食吓嘅時候唔夠醬去食。而佢呢度最令我心動嘅位係竟然有我最鍾意飲嘅賞茶手搖飲品店！葡萄柚綠必須要嗌！就算無糖都好解膩，而且葡萄柚果肉非常之多！