口麻天辣

營業中

休息中

今晚去V Walk探朋友，打算買d外賣上去食，見到呢間以粉紅色為主，非常搶眼，原來係食四川菜，睇睇餐牌，d價錢唔算貴，就決定試呢間。佢地有一人晚餐，都幾抵食，有主食，小食，涼菜和白飯。小食係香炸脆奶，外皮炸得好脆，外皮仲有少少甜甜地，而入面嘅奶非常滑，好味涼菜係萵筍同薯絲，食落酸酸地，好爽口，非常開胃。酸甜滑新蕃茄魚魚片份量都幾多，食落都好嫩滑，湯底好鮮甜，仲有大量粉絲索晒d湯汁，勁正噴火水煮牛肉我地簡咗小辣，唔算太辣，係好香，好惹味，牛肉份量都唔少，肉質好淋，好重牛味，仲有芽菜同薯粉，都幾足料。秘醬口水雞呢款叫咗唔辣，雖然唔辣，但個汁都幾好味，d雞入晒味，雞肉都嫩，唔錯。