七月餐室 (已結業)

約咗兩個朋友週末喺德福購物，未開始買嘢之前，先醫肚，其中一個朋友話附近有間茶餐廳性價比高，幾好味，於是就帶咗我哋嚟呢度。我點咗：🥗全日早餐$62，飲熱奶茶材料都幾豐富，包括呢啲食材：西冷牛扒、煙肉、德國腸、茄汁豆、黑松露炒蛋、番茄、蒜蓉牛油多士。全部都幾好味，特別係炒蛋，幾滑，仲加咗黑松露，食落好香。熱奶茶，又香又滑。朋友們就點咗：🐂乾炒牛河$62，熱奶茶+$9炒得幾好鑊氣，仲非常大碟，份量好多。✨星洲炒米$62有齊星洲炒米 應該有嘅材料，包括 蝦仁、火腿絲、芽菜、紅辣椒 等，炒得幾香口好味，亦都係好大碟。我哋三個人食得飽飽，充滿能量，開開心心去 shopping～🛍