桔梗 (已結業)

💛💛💛💛不得不提，職員服務好好，態度好好，我地以前黎一直都係坐下層，今次就想坐下上層，但上層只係for shisha，最係都安排到坐上層。而食緊嘅時候，佢地會幫手燒，仲會時不時主動走黎睇下有冇需要幫手，教我地點食！抵讚👍 食物方面，我地一行二人本身打算黎食下西餐飲杯野，點知見到全場好多人都叫壽喜燒，而我地又未食過關西風嘅壽喜燒！再睇一睇menu，又真係幾吸引！最後，我地叫左一個二人set都係$728，係ig打埋卡仲有9折，每人都係三百幾蚊就有A4和牛食，老實講，自己買料都差唔多呢個價，仲要洗碗，而家仲有人燒埋比你，真係抵到爛！我地呢個2人set包左250g A4和牛🥩 - 塊塊都大大片，入口即融；2隻蘭王蛋🥚 - 識食嘅都知，蘭王蛋係蛋中之王，係少有標榜可以生食嘅蛋，我地仲拎左少少去撈飯，超正；野菜豆腐盤🥗 - 原來有一大盤，包羅萬有，完全唔洗驚唔夠纖維，而且全部都好新鮮；任食有飯素嘅飯🍚 - 原本見menu係白飯，上到黎係有飯素，而且係珍珠米，所以我地都忍唔住叫多碗，超級滿足！