梨泰院 (愉景新城) (已結業)

平時比較少去愉景新城，因為依個商場都無咩好行，知道佢開左間韓式料理就過黎試一試。鋪頭門口有最近勁紅既魷魚遊遊紙牌，可以打下卡先入去食野。天氣開始凍番啲，本身想叫人參雞湯，可惜冇所以就叫左大醬湯海鮮大醬湯$98湯入面除左豆腐同瓜之外，仲有蜆肉同蝦～味道唔錯，好適合撈飯！韓式牛肉炒粉絲$74 一上枱好驚訝，勁大碟！食落口就知道好有鑊氣， 配上大量牛肉，香菇，蘿蔔絲，好惹味！ 原味脆爆炸雞$78 雞外表炸得好脆但又唔會好乾，肉質都幾滑！如果叫其他味道應該更加正～ 韓國元祖豬手$178份量又係超多， 不過豬手有點肥， 味道都唔錯，口感唔會好硬！整體嚟講性價比真係超高，價錢唔貴，份量又多！ 下次喺附近會再嚟食！