雲壽司 (已結業)

⭐️雲壽司⭐️📍: 太子西洋菜南街254號地下及閣樓⏰:12:00nn-10:30pm今日同男朋友去太子行街諗唔到食咩好，記得朋友推介過呢間雲壽司，本身係中環同銅鑼灣都有分店，而家唔洗過海都食到啦🥰佢地既午市定食價錢親民，性價比高💯午市套餐有沙律同麵豉湯，沙律菜好新鮮，淋上芝麻醬好開胃，麵豉湯唔會好鹹，食完壽司暖下胃就最正😍刺身拼盤 ($198)今朝食左個豐富既早餐所以揀左個刺身拼盤，有油甘魚、甜蝦、池魚、三文魚、帆立貝，魚類刺身全部厚切，油甘魚同三文魚鮮甜肥美，甜蝦爽口彈牙，帆立貝厚肉鮮甜，高質💯👍🏻🍣北海丼 ($208)男朋友要食飯所以揀左呢個北海丼，一次過試哂多款魚生，仲有我地最愛既赤貝同海膽，賣相非常吸引，仲有吞拿魚腩、油甘魚、牡丹蝦、三文魚同三文魚籽，吞拿魚腩油脂較重，入口即溶，赤貝非常新鮮，肉質厚實彈牙，牡丹蝦新鮮拆殼，鮮嫩無比，海膽好creamy，味道甘甜，配埋脆卜卜既三文魚籽，鮮味十足💯