德記潮州菜館

營業中

休息中

之前屋企人帶過我嚟呢間食，覺得質素唔錯，今日就帶朋友嚟試吓。可能太夜8:30至嚟到，好好彩唔駛等位。食過鵝片同煎蠔仔餅，今次再encore，蠔仔大大隻又夠多，不過要叫煎，炸嘅話太熱氣同埋相對蠔味無咁出。滷水鵝片夠入味，有鵝片同有帶骨鵝肉，有骨嘅話鵝味會濃啲。大家都鍾意飲湯，就叫個胡椒豬肚湯暖吓胃，胡椒味好重，入口會覺得辣啲，同埋個湯偏鹹，可以因為入面啲鹹菜比較鹹。原本想叫砂窩龍躉翅，因為之前試過覺得魚肉好滑，砂窩上又夠香口，但今日一早賣哂，唯有叫個炸子雞。炸子雞雞皮脆口，但雞肉未算好滑。人多就叫多個鮑螺片扒小白菜，都係正常發揮，略嫌醬汁太多。今日4個人人均$250，但其實都叫多咗食唔哂，潮州嘢嚟講性價比都幾高，抵過啲米芝蓮餐廳。