家賀屋

今日同friend去咗間性價比高居酒屋，食物全部好高質，食到勁飽都想繼續食🤣🌕海膽龍珠卷 有滿滿海膽、吞拿魚蓉同每一舊都有一整粒醃製大蛋黃，食一啖有齊鮮味蛋黃味好滿足。🐟火炙厚切鮟鱇魚肝 超級厚切，鮟鱇魚肝食落有一絲絲質感同油香。✨鹽燒仙台熟成牛舌芯 唔係太厚切，肉質煙靭，比一般牛舌芯較重牛肉味。💫大本鮪魚腩刺身 刺身新鮮，入口即溶。🥚自家焦糖玉子燒 玉子燒上面有一層燒得香脆嘅焦糖，增加咗口感層次。🥗牛油果角切刺身沙律 角切刺身有三款都多刺身，反而覺得牛油果份量可以多啲因為我淨係食到幾粒。🍱特盛山椒鰻魚丼(二重鰻)定食 同朋眼闊肚窄叫咗二重鰻，有兩大條鰻魚燒得香又厚肉，因為係定食所以仲有湯、沙律同埋蒸蛋，份量好大。🍺Ochawari-茶割 朋友話幾好飲。