影片
更多
2020-01-30
42 瀏覽
平時同屋企人食飯 京滬川菜食得多 好開心最近比我發掘到一間係自助餐形式既😍😍仲要有片皮鴨任食 一個人都係三百內埋到單，值得一試！先比大家望一望個套餐包d咩仼食啦，由冷盤、熱盤、蒸點到甜品一律都齊晒🤩除左自助部分，套餐其實分兩款，$228係包一碗蟲草花花膠燉雞湯同大虎蝦，而$268就係湯加加拿大龍蝦半隻。虎蝦同龍蝦煮法都有得揀，避風塘、芝士焗、干燒汁等等... 今次我就試左芝士焗龍蝦同干燒汁大虎蝦（店員推介）！隨蝦付上雞湯，雞湯都真才實料，係老火明湯，入晒味，而且每一碗都真係分配到花膠同雞😍未開餐先暖暖胃！講返龍蝦先龍蝦肉質彈牙，用芝士焗鮮甜得黎帶芝士既咸香，係正既！而虎蝦都唔遜息，一樣咁多肉！而且用既干汁燒煮法真係好好味，一啲都唔馬虎，帶少少酸酸甜甜既味道！食完蝦飲完湯，到今晚既自助部分啦！首先係冷盤小食類～一共有十幾款，口水雞、素鵝、五香牛肉、拍青瓜等等！當中最喜歡既係鎮江肴肉同醉翁蝦，肴肉夾雜著啫喱狀的湯汁，整體肉質軟硬度剛好，有嚼頭之餘亦帶滑嘟嘟的口感！而醉翁蝦都有餘韻既酒香！而重頭戲任食片皮鴨！雖然係任食 但質素一啲都唔求其 原隻燒原隻上 有專人幫你片😎我咁岩撞到新鮮出爐個下，
先比大家望一望個套餐包d咩仼食啦，由冷盤、熱盤、蒸點到甜品一律都齊晒🤩
除左自助部分，套餐其實分兩款，$228係包一碗蟲草花花膠燉雞湯同大虎蝦，而$268就係湯加加拿大龍蝦半隻。虎蝦同龍蝦煮法都有得揀，避風塘、芝士焗、干燒汁等等... 今次我就試左芝士焗龍蝦同干燒汁大虎蝦（店員推介）！
隨蝦付上雞湯，雞湯都真才實料，係老火明湯，入晒味，而且每一碗都真係分配到花膠同雞😍未開餐先暖暖胃！講返龍蝦先
龍蝦肉質彈牙，用芝士焗鮮甜得黎帶芝士既咸香，係正既！而虎蝦都唔遜息，一樣咁多肉！而且用既干汁燒煮法真係好好味，一啲都唔馬虎，帶少少酸酸甜甜既味道！
食完蝦飲完湯，到今晚既自助部分啦！
首先係冷盤小食類～一共有十幾款，口水雞、素鵝、五香牛肉、拍青瓜等等！
當中最喜歡既係鎮江肴肉同醉翁蝦，肴肉夾雜著啫喱狀的湯汁，整體肉質軟硬度剛好，有嚼頭之餘亦帶滑嘟嘟的口感！
而醉翁蝦都有餘韻既酒香！
而重頭戲任食片皮鴨！雖然係任食 但質素一啲都唔求其 原隻燒原隻上 有專人幫你片😎我咁岩撞到新鮮出爐個下，真係熱辣辣，皮脆肉嫩，食落有小小脂肪肉有鴨香，係唔錯😊
而熱食方面都好多選擇，醬茶鴨、蝦仁炒瓜、腰果雞丁、XO醬炒螺片、酸菜魚
當中最喜歡係大千雞，好好食，辣辣地好有四川風味，雞又嫩，同埋糟溜魚片，帶小小酒香味，魚肉嫩滑，有入口即融的感覺😍水煮牛肉都推介～麻辣味濃，牛肉吾會煮到過韌！想有澱粉質落肚都有麻醬冷麵選擇架：）
而蒸點煎點就吾係出去拎，係點單以件數形式叫，製作需時，超推薦小籠包！！平時出去食一籠麵幾十蚊，依到任食既質素仲要高質！皮薄餡靚超多汁，真係爆汁架😂😂好正！煎餃都一樣，好味！
最後甜品有桂花糕、酒釀丸子、高力豆沙、豆沙餅、脆麻花等等，高力豆沙即叫即炸，熱辣辣😆😆真係食到棒住個肚走！性價比十分好！會回頭🤘🏻
張貼
