意八餐廳 (已結業)

今日約左係威爾斯醫院工作既朋友仔食午飯，佢介紹左愉翠苑愉翠商場個邊既意八餐廳。未夠1230，已經人頭湧湧，好多人排緊隊等位，等左差唔多到20分鐘先入到去。睇完個午餐menu，我叫左法式紅酒香茅燴牛肋條(配珍珠飯) (HKD 56)配牛乳栗米忌廉湯。呢間食店係不收加一既。雖然人多，但上菜時間一點也不怠慢。好快個午餐同湯就到左。 個飯賣相唔錯，仲有翠肉瓜同顏色鮮豔既蔬菜伴碟。至於個牛肋骨味道唔錯，肉質都算嫩，醬汁好配合，而且分量都唔細。個湯就好香忌廉味，栗米都唔少。整體黎講，係度食午餐，抵食又好味。