花火和食 (已結業)

經過土瓜灣諗住睇吓有咩美食，之後比我發現左間日本平價居酒屋🏮叫花火和食。仲有我最愛嘅鬼滅之刃做背景版，正呀🤣 諗住食下小食，便當飯，點知叫叫下食到好飽😂 我自己覺得佢個明太子芝士豆腐簡直一流！食落熱辣辣之餘，一咬落去係會爆汁，滿滿嘅明太子同芝士鮮味，超級無敵正😍 一定要食。炸天婦羅虎蝦點沙律醬都好好味，佢隻蝦好大隻！啲皮好脆，印象中都係幾十蚊，好平！冇食到佢嘅貓飯，叫咗一個好大塊嘅鰻魚便當，最鍾意食佢黃色嗰啲酸瓜，因為食完勁開胃，條鰻魚又大又新鮮又多汁☺️水準幾好。之後仲叫咗一個日本豚肉鍋裏面有好多配菜，但真心勁抵食好似都係$100左右😂至於個和牛粒個人覺得可以更好，要努力💪不過食咗咁多嘢，屋邨隔離講緊已經係超抵超值，由其小食類特別好食。