茶泰 (健威坊)

營業中

休息中

每次行過茶太呢間餐廳都會見到有好多人排隊。所以好幾次想去試都一直未有機會。今日就喺OpenRice嗰度見到佢有外賣自取，款式選擇都幾多，又唔駛去到現場排隊，咁我就訂下啦。最後我揀咗呢菠蘿炒飯，喺OpenRice上面顯示要30分鐘先有得攞，不過其實我早左到都已經有得拎。呢個餐$68，除咗個飯之外，仲有一杯奶茶，個奶茶味道同一般港式奶茶有啲唔同，我相信係泰式奶茶，比較香唔甜。味道都好吸引。至於個炒飯材料非常之多，基本上每一啖都有海鮮，亦都有啲菜，份量亦都非常之充足。作為一個平日返工嘅午餐，我覺得呢個算選擇都唔錯。我下次會試吓佢嘅咖喱炒金邊粉，應該都唔錯，亦會試下堂食，望落間舖幾乾企理，坐係入面食應該唔錯。