馬六

營業中

休息中

今日要同朋友去油街實現到睇展覽，睇完之後我哋就喺附近搵嘢食，見到馬六有下午茶套餐就入去食。雞絲豬頸肉清湯檬粉豬頸肉入口爽脆唔肥膩，雞絲嫩滑，我揀咗檬粉，口感幼滑，我鍾意佢個清湯底，好清甜，豆卜吸收晒湯底味道幾好食。馬六無骨海南雞飯雞肉啖啖肉已經去哂骨，肉質嫩滑，雞皮爽口，加埋醬汁惹味。生魚皮爽脆魚皮加埋薑葱花生一齊食口感豐富，味道少少辣辣地。椰青清甜解渴，仲有好多椰肉食。凍桔仔話梅水味道酸甜甜好開胃。