影片
更多
2021-01-30
7525 瀏覽
從未試過預早訂位, 每次都是即興, 今天都是一樣, 上午十一時, 收到友人通知, 來尖沙咀探班, 隨即打電話去求二人檯一張, 其實都預咗無位, 大不了就去對面喜來登Morton's 食扒, 誰知剛巧有客人棄檯, 今天我太幸運了...疫情期間的半島酒店商場... 靜過太空, 話時話, 如果屋企無老人家, 其實唔使咁驚吓化..., 最衰就係班專家, 講一些又不講一些, 到底感染後遺症有幾大獲, 以前的感冒, 都有為數不少人會有肺炎, 肺炎後的肺部有影響, 但不知這次有甚麼分別, 但單看年齡群的死亡率, 實在不夠嚇人囉...從未試過行樓梯上去, 次次都係坐電梯, 其實可唔可以行樓梯既呢??兩件宣傳物件, 加一件食環處告示, 餐廳的檔次, 當堂低了幾個級數.餐廳日常的午餐餐牌, 正價的三道菜和四道菜, 分別是HKD688 和 HKD768, 今天加了額外費用, 改了頭盤: 雞批(+HKD188) 和 主菜: 黃猄(+HKD288)友人的烤章魚臂 (Tentacule de Poulpe Grille, Ail Rose de Lautrec, Girolles, Coriandre), 近排上
疫情期間的半島酒店商場... 靜過太空, 話時話, 如果屋企無老人家, 其實唔使咁驚吓化..., 最衰就係班專家, 講一些又不講一些, 到底感染後遺症有幾大獲, 以前的感冒, 都有為數不少人會有肺炎, 肺炎後的肺部有影響, 但不知這次有甚麼分別, 但單看年齡群的死亡率, 實在不夠嚇人囉...
從未試過行樓梯上去, 次次都係坐電梯, 其實可唔可以行樓梯既呢??
兩件宣傳物件, 加一件食環處告示, 餐廳的檔次, 當堂低了幾個級數.
餐廳日常的午餐餐牌, 正價的三道菜和四道菜, 分別是HKD688 和 HKD768, 今天加了額外費用, 改了頭盤: 雞批(+HKD188) 和 主菜: 黃猄(+HKD288)
友人的烤章魚臂 (Tentacule de Poulpe Grille, Ail Rose de Lautrec, Girolles, Coriandre), 近排上法語課, 老師千叮萬噣, 不要忘記法語的Accent (即字母上的小附號, 偏偏我的記憶力就最差, 加上英文鍵盤要打那些符號超煩, 如有不滿, 請自己看餐牌吧), 至於用餐的口味體驗, 講咗你都唔會信啦, 只打菜名, 唔講味道了.
這個要另外加HKD188 的雞批..., 係呀! 我無講錯, 你也無聽錯, 係雞批, 而且那HKD188, 是另外加的, 此菜即是差不多三百多元, 當然不是閣下在茶記的食開的雞批, 單看餐牌的名字, 已經值回票價.... 絕對係, 應該係, 除非唔係...: Pate en Croute de Volaille de Bresse, Anguille Fumee, Chou-Rave, Truffe Noire du Perigord. 嗱! 你幾見過茶記張餐牌有咁Q長既菜名吖, HKD188 係抵加啦! 無呃你啦!
到主菜, 如果雞批都要額外加HKD188, 那麼, 這碟黃猄肉, 只加了HKD288, 實屬超值吧! 想必閣下於上一年度, 在全香港各大餐廳用餐, 何時看見有黃猄肉供應? 單就"黃猄肉"四個字, 就不只值HKD288啦...., 加埋那只有高檔食肆才想得出的長到一口氣都讀唔完的菜名: Filet de Chevreuil Gallois, Panais, Trompette de la Mort Sauce Bordelaise., 抵啦!
另外一份主菜: Canard au Sang de Challans, Orange Sanguine, Navet Nouveaux, Miel de Lavande, 我一看那第一組的字"Canard au Sang", 上星期剛上完法語課, 老師就是講及這道名菜"Canard au Sang", 又名: Canard a la presse, 一睇"presse"字, 就意想到那個用來壓鴨的儀器, 其實有點恐怖... ,中文菜名, 即是"血鴨", 我當堂"嘩"了一聲(在心裡啫), 平價午餐, 竟然有那麼考功夫和費時的法國名菜??? SO, 少年也實在太年輕了, 真係大想頭! 其實只是大家在西餐廳聽慣的"鴨胸"而已, 但當然, 這鴨胸絕不同彼鴨胸, 這是法國鴨胸呀!! 
這是友人的栗子蛋糕, 單就栗子蛋糕四字, 實在難以表達出此甜品的精髓, 全名是:Mont-Blanc Traditionnel, Creme de Chataigne, Sorbet de Cassis, Meringue Francaise, 夠巴閉吧! 閣下感覺不到??? 我估計是...閣下程度太低吧?
今次我醒目了, 要了一件最普通的甜品: 五香粉朱古力, 雖然在看餐牌時, 看到"五香粉", 刹那間, 我想起了昨晚的日本串燒料理, 但不足兩秒, 我已經提醒自己, 現在身處...被喻為九龍最高級的法國餐廳, 唔好亂諗了...SO, 甜品名字也不遜哦: Ganache au Cinq Epices, Chocolat Madong 70%, Sorbet de Cacao, Croustillant Cannelle. 說真的... 好吃到不得了! 今次唔係講笑! 是真的!
最後的Coffee 和 Petit Fours, 忘就了還有那杯十分滿意的半島自家品牌白酒: Chabils 1er Cru, Olivier Leflaive, Burgundy, France (HKD240), 礦泉水 ABATILLES Sparkling (HKD88), 和友入的 ICED GLUHWEIN 雞尾酒.
隔離檯應該是重要人物, 由餐廳經理Michele 親自招呼...
感謝當天招呼我們的Gaddis員工, 非常專業, Gaddis是其中一間非常高檔, 但又不會感到有壓力的餐廳. 最後, 還要感謝閣下看完這編 廢到無得再廢 的食評, 再次多謝大家!
張貼
