影片
更多
2023-01-23
220 瀏覽
大年初一瞓到兩點幾先出去食brunch，好多餐廳都好多人排隊，難得呢間平時多人排隊嘅無人就即刻入去坐低🤩入到去樓底好高，俾人一種好舒適嘅空間感去過一個懶懶閒嘅假日。嚟到法國餐廳當然試試法國特色食物啦～1. 法國油封鴨腿🦆 $168 (🤤🤤🤤🤤/5)鴨腿比想像中細件～但外脆內軟嘅口感另人難以抗拒。外皮薄身，香脆得嚟唔會食到成咀油，亦都冇肥膏黐住。鴨肉淋身，只有少少位要咬耐啲🤏🏻薯團丸子，第一次食感覺好新穎🙊口感似麻糬十分軟糯，相信煙韌控會喜歡。因為有砵酒醬汁，所以薯團丸同皺葉椰菜嘅味道都酸酸甜甜，可以refresh一下解膩。絕對可以試試！2. 花生朱古力法式可麗餅 (🤤🤤🤤🤤/5)雖然材料普通，但味道亦都唔錯。有原粒花生鋪面，淋上花生醬及朱古力醬，最後配上綿密香濃朱古力雪糕。一啖入面口感豐富，作為甜品係不錯嘅選擇。3. 黑松露牛肉雜菌法式可麗餅 (🤤🤤🤤🤤🤤/5)作為黑松露嘅我非常喜歡呢度菜式！🫶🏻一入口就被忌廉黑松露汁吸引咗味蕾，配上牛肉漢堡及埃文達芝士非常惹味❤️🔥 食到一半可夾雜沙律解膩，感覺冇咁熱氣，中和菜式嘅鹹味。4. 是日餐湯 - 椰菜花忌廉湯🥣 (🤤🤤🤤🤤/5)香蔥鋪面幾特
入到去樓底好高，俾人一種好舒適嘅空間感去過一個懶懶閒嘅假日。嚟到法國餐廳當然試試法國特色食物啦～
1. 法國油封鴨腿🦆 $168 (🤤🤤🤤🤤/5)
鴨腿比想像中細件～但外脆內軟嘅口感另人難以抗拒。外皮薄身，香脆得嚟唔會食到成咀油，亦都冇肥膏黐住。鴨肉淋身，只有少少位要咬耐啲🤏🏻
薯團丸子，第一次食感覺好新穎🙊口感似麻糬十分軟糯，相信煙韌控會喜歡。因為有砵酒醬汁，所以薯團丸同皺葉椰菜嘅味道都酸酸甜甜，可以refresh一下解膩。絕對可以試試！
2. 花生朱古力法式可麗餅 (🤤🤤🤤🤤/5)
雖然材料普通，但味道亦都唔錯。有原粒花生鋪面，淋上花生醬及朱古力醬，最後配上綿密香濃朱古力雪糕。一啖入面口感豐富，作為甜品係不錯嘅選擇。
3. 黑松露牛肉雜菌法式可麗餅 (🤤🤤🤤🤤🤤/5)
作為黑松露嘅我非常喜歡呢度菜式！🫶🏻一入口就被忌廉黑松露汁吸引咗味蕾，配上牛肉漢堡及埃文達芝士非常惹味❤️🔥 食到一半可夾雜沙律解膩，感覺冇咁熱氣，中和菜式嘅鹹味。
4. 是日餐湯 - 椰菜花忌廉湯🥣 (🤤🤤🤤🤤/5)
香蔥鋪面幾特別，入口感覺棉密，食到啲蓉，估計椰菜花已磨成蓉放喺湯度。重蒜味，無椰菜花草青味，整體幾好👍🏻
😕😕小事一則
入到餐廳坐低冇耐就有一兩隻烏蠅，不斷飛來飛去，最後唯有自己殺生解決煩擾。
法國油封鴨腿
$168
11 瀏覽
0 讚好
0 留言
花生朱古力法式可麗餅
$80
9 瀏覽
0 讚好
0 留言
黑松露牛肉雜菌法式可麗餅
$135
16 瀏覽
0 讚好
0 留言
是日餐湯（椰菜花忌廉湯）
10 瀏覽
0 讚好
0 留言
張貼
