影片
更多
2021-10-04
572 瀏覽
《添福》呢間小食店的漢堡包久仰大名，出了名性價比高，價錢唔貴但又食到手打牛肉，一直都好想試試。不過當時得深水埗一間總店，一直都未有機會試到。有日放工經過發現以前的cafe原來轉了手，小店門面大大隻字寫住「添福漢堡」，實在驚喜！招牌用天藍色做主色，加上閘門貼滿超可愛的插畫，勁吸睛！搭巴士經過都一定見到🤣我同同事都急不及待黎個happy friday! 因為荔枝角平日lunch time都好多人食飯，所以我當日都預早落去買，12點鐘order，等了15分鐘就有了，即叫即煎來說，時間都可以接受。等既時候，人龍已經變得好長了，所以如果附近番工既朋友記得早少少落黎買喇😎**留意這間分店沒有堂食喔，暫時也沒有電話落單服務，只有外賣自取，睇過官方FB有機會遲d就可以用電話落單**我地今次叫了｜添福漢堡 配薯條 $46｜｜黑椒至尊牛堡 配薯條 $48｜｜香脆雞塊 單點 $20｜攞走的時候，已經隔住個袋聞到好香。番到公司拎出黎熱辣辣，香味成間公司都聞到，即叫即煎果然係唔同d！添福漢堡（Rate:7.5/10) ⁃ 嘉頓麵包做包底、夾上芝士、手打牛肉、蕃茄、生菜，再配上自家制的沙
有日放工經過發現以前的cafe原來轉了手，小店門面大大隻字寫住「添福漢堡」，實在驚喜！招牌用天藍色做主色，加上閘門貼滿超可愛的插畫，勁吸睛！搭巴士經過都一定見到🤣
我同同事都急不及待黎個happy friday! 因為荔枝角平日lunch time都好多人食飯，所以我當日都預早落去買，12點鐘order，等了15分鐘就有了，即叫即煎來說，時間都可以接受。等既時候，人龍已經變得好長了，所以如果附近番工既朋友記得早少少落黎買喇😎
**留意這間分店沒有堂食喔，暫時也沒有電話落單服務，只有外賣自取，睇過官方FB有機會遲d就可以用電話落單**
我地今次叫了
｜添福漢堡 配薯條 $46｜
｜黑椒至尊牛堡 配薯條 $48｜
｜香脆雞塊 單點 $20｜
攞走的時候，已經隔住個袋聞到好香。番到公司拎出黎熱辣辣，香味成間公司都聞到，即叫即煎果然係唔同d！
添福漢堡（Rate:7.5/10)
⁃ 嘉頓麵包做包底、夾上芝士、手打牛肉、蕃茄、生菜，再配上自家制的沙律醬。
⁃ 一啖咬落去，口感好豐富，整體好軟熟，唔會話太高身咬唔到
⁃ 塊漢堡扒好厚實，但一d都唔韌，好juicy
⁃ 因為個包熱辣辣，芝士溶得剛好
⁃ 用嘉頓麵包做包底就略嫌普通，不過有加牛油烘過，都算香。
⁃ 整體味道中上，自家制的沙律醬味道類似千島醬，味道不會太搶，好味
黑椒至尊牛堡（同事order) （Rate:6/10)
⁃ 同樣係嘉頓麵包做包底、夾上芝士、手打牛肉、蕃茄、生菜，再配上黑椒汁。
⁃ 同事覺得黑椒味道唔算出，但好在牛肉夠juicy，肉味夠濃，唔會話冇味
⁃ 整體略為普通，始終此為店內招牌包，所以我同事都有點失望
薯條 （Rate: 8.5/10)
⁃ 薯條真係要大讚！極推介！唔係一般快餐點既幼薯條，每條都有一定既粗度，食到你有薯仔肉！唔係空心薯條！
⁃ 即叫即炸，熱辣辣，超新鮮
⁃ 份量又夠多，我地3個人都爭d食唔哂3杯薯條（因為太好食了 我幾飽都食哂佢🤪）
香脆雞塊 （即係麥樂雞🤪）（Rate:8/10)
⁃ 同一般快餐店的不同，呢個麥樂雞皮夠脆之外，肉質真係好嫩，好好食
⁃ 份量都唔少架！好似有8-9粒，$20我覺得都算抵食
飲品方面，可能新開張的關係，我當日冇太多選擇，得汽水同少量特式飲品，未有咖啡奶茶等等，我諗遲d就會有更多選擇供應。
總括黎講，呢間我一定會再食，試埋其他包🍔！我都好期待佢會好似總店咁會出更多既小食呀！
題外話/補充資料：
**留意這間分店沒有堂食喔，暫時也沒有電話落單服務，只有外賣自取，睇過官方FB有機會遲d就可以用電話落單**
(以上食評乃用戶個人意見 , 並不代表OpenRice之觀點。)
張貼