香港地

營業中

休息中

晚上到荔枝角道體育館打完羽毛球，去附近醫肚食晚餐，對面有幾間餐廳選擇，見到香港地款式多，價錢又Ok，於是就入去試試。我就叫左土炮咖哩吉列魚柳配飯及薄餅 $65兩大塊即炸魚柳十分厚身，而且好嫩滑，無雪藏魚味，魚肉食落一片片，唔易散咖哩入面餐廳用豆卜代替薯仔，可以索哂d咖哩汁，而且份量都幾多！咖哩帶點微辣同稍稍既香料，幾惹味薄餅如果煎得更香脆鬆軟就好了。份量十足，做完運動好肚餓既我，一個人食唔哂，要男友包底哈哈以$65來説，這碟咖哩質素好過有名茶餐廳(翠x，太x)下次會試下餐廳d小菜。