陳漢記 (已結業)

陳漢記一向係大埔出名既美食餐廳，有朋友專程話黎大埔食飯，梗係帶佢黎依度試下。雖然星期日黎食，但因為我地六點前到左，所以都唔使等位就可以入去，四個人我地叫左五樣野，叫左叉燒腸份，腸粉皮晶瑩通透，皮薄且夠滑。同埋兩碗粥，一碗就皮蛋瘦肉粥，另一碗就及第粥。不過就只係影左皮蛋瘦肉粥。粥就ok啦，不算太特別。叫左碟牛雜，牛肚分量偏多，其他部位就少D，不過食落牛雜都幾乾淨，都唔錯。重點就係煲仔飯，六點之後就有得叫，我地叫左窩蛋牛肉飯。依度既煲仔飯都好出名，上次觀察左D食客點樣落鼓油，原來都有學問。就係先落一半鼓油，之後蓋反個蓋，焗佢一陣再落埋剩低既鼓油，之後既煲仔飯就好好味了！另外，叫左兩枝大既獅威，最後一人都係八十蚊，真係性價比好高既平民餐廳。