影片
更多
2018-10-22
2176 瀏覽
呢間位於尖沙咀性價比高的樓上餐廳，最適合就係同朋友聚會同拍拖。一嚟尖沙沮就腳，出咗地鐵站行陣就到，間餐廳又易搵，環境無論係燈光抑或座位安排都好舒適，係一間好適合一路食飯一跟同朋友傾計嘅漫活餐廳。講到食飯，高質同味道好當然都好重要喇！題外話，餐廳入面有兩間包廂架！多人嘅家人同朋友聚會都好啱😉今次我哋3個人嗌咗一個main courses set、一個pasta 同一個risotto同兩個小食。首先介紹下呢個跟餐嘅牛角包、餐包同黑色長條餅乾，有牛油同杏脯果醬搽添😄啲包暖暖哋，所以無論味道定聞落去都好香好好食。鬆軟嘅牛角包口感有層次鹹鹹哋；餐包香軟；黑餅香脆，食完唔會覺得好口乾😊跟餐仲有呢個墨魚仔伴辣肉腸沙拉，個沙拉好健康，唔係用沙律醬，係用醋，所以她開胃，甜甜酸酸咁。墨魚仔一啲都唔腥仲好煙韌架，辣肉腸少鹹好香口，沙律菜好新鮮無草青喇！跟餐仲有一個餐湯，入面有椰菜花😋味道唔鹹唔淡，剛剛好，又好飲！又唔會太濃稠！跟set嘅主菜就係呢個芝士BBQ醬燒美國豬仔骨一共有3枝骨，啲骨好肉啲肉又厚身，肉質易口唔嚡口，好易切，無乜肥肉咁濟，肉質啲肉有香濃嘅BBQ醬味，加埋濃厚嘅焗芝士真係好邪惡。溫馨提示，
一嚟尖沙沮就腳，出咗地鐵站行陣就到，間餐廳又易搵，環境無論係燈光抑或座位安排都好舒適，係一間好適合一路食飯一跟同朋友傾計嘅漫活餐廳。講到食飯，高質同味道好當然都好重要喇！
題外話，餐廳入面有兩間包廂架！多人嘅家人同朋友聚會都好啱😉
今次我哋3個人嗌咗一個main courses set、一個pasta 同一個risotto同兩個小食。
首先介紹下呢個跟餐嘅牛角包、餐包同黑色長條餅乾，有牛油同杏脯果醬搽添😄啲包暖暖哋，所以無論味道定聞落去都好香好好食。鬆軟嘅牛角包口感有層次鹹鹹哋；餐包香軟；黑餅香脆，食完唔會覺得好口乾😊
跟餐仲有呢個墨魚仔伴辣肉腸沙拉，個沙拉好健康，唔係用沙律醬，係用醋，所以她開胃，甜甜酸酸咁。墨魚仔一啲都唔腥仲好煙韌架，辣肉腸少鹹好香口，沙律菜好新鮮無草青喇！
跟餐仲有一個餐湯，入面有椰菜花😋味道唔鹹唔淡，剛剛好，又好飲！又唔會太濃稠！
跟set嘅主菜就係呢個芝士BBQ醬燒美國豬仔骨一共有3枝骨，啲骨好肉啲肉又厚身，肉質易口唔嚡口，好易切，無乜肥肉咁濟，肉質啲肉有香濃嘅BBQ醬味，加埋濃厚嘅焗芝士真係好邪惡。溫馨提示，個豬仔骨趁熱食係最最最好食😋😋啲芝士拉絲見到都覺得好正！配菜係幼身嘅薯條。
之後就介紹下呢個蒲燒特長鰻魚流心蛋意大利飯，呢條饅魚目測超過25cm，經過重覆燒烤，油脂嘅香味出晒嚟，有少少甜蜜味日式燒汁融入鰻魚入面，燒汁分量啱啱好，唔會影響下面嘅意大利飯。而鰻魚嘅脂肪同肉層次分明，厚肉得嚟脂肪比例高，肉質嫩滑一啲都唔嚡口，口感極佳，去骨去得好好，食落無骨。意大利飯
無論係淨食意大利飯抑或將溫泉蛋蛋漿沾黏係意大利飯上面，味道都係好好食，creamy得嚟但唔會over，飯心唔會太硬，飯亦唔會煮到糊晒。
伴碟仲有沙律菜，間唔時可以食下沙律菜中和下。😆
另一個主菜係咸蛋黃醬煙磨意粉。個醬汁係鹹蛋黃醬，唔係好鹹，但好香蛋醬味，好香濃好creamy無粉粒，入面有好多磨菇同煙肉片，意粉口感極佳，扁意粉唔粉彈牙有嚼勁。
最後介紹下兩個小食就係個黑醋汁烤大啡菇黑松露薯條。
大啡菇肥大肉厚，好香菇味，菇蒂去得好乾淨，餐刀好易切開，而且肉質鮮嫩多汁。配埋黑醋汁酸酸甜甜好開胃。
呢個黑松露薯條唔係黑松露醬薯條喔😉而係黑松露海鹽味薯條，盤薯條好大盤，薯條幼身好香脆唔油，黑松露味慢慢係口腔溢出，黑松露嘅味道係突出嘅。
張貼
