J's Kitchen (已結業)

Coupon細則見到最少早一日book位，但突然想食，唯有朝早Whatsapp book位試試，但到4點都未覆機，就打去confirm先得，打到去佢就講聲牛肝黑野菌汁冇晒，要轉燒汁，冇晒都冇計啦，見佢態度都好好，就冇咩所謂。由鰂魚涌站行過黎沿途就算係星期日夜晚人流都唔多，7點鐘黎到，果然入面客人都唔多，有一枱客食緊。坐低比左張團購coupon , 佢比左杯熱水，唔似出面餐廳咁是但比水喉水你飲，呢樣值得加分，之後就等野食黎。侍應態度全程都好好，臨走仲送咗兩張優惠券比我地。整體其實唔錯，係個位置令人流比較少。